ەلوردادا 14-16 قاراشا ارالىعىندا ەلوردانىڭ «الاۋ» مۇز سارايىندا مانەرلەپ سىرعاناۋدان ASTANA-OPEN اشىق قالالىق چەمپيوناتى وتەدى. ونىڭ قورىتىندىسى بويىنشا استانا قۇراماسىنىڭ ساپىنا 24 مىقتى سپورتشى ىرىكتەلەدى, دەپ حابارلايدى Egemen.kz.
تۋرنيرگە قاتىسۋعا سپورتشىلاردان 250-گە جۋىق ءوتىنىم ءتۇستى.
«ەلوردادا قالالىق اشىق بىرىنشىلىك ەكىنشى مارتە ءوتىپ جاتىر. بيىلعى جىلى بالالار مەن جاس جىگىتتەر, سپورت شەبەرلىگىنە ۇمىتكەرلەر مەن سپورت شەبەرلەرى قاتىسادى. جەكەلەي جارىستار حالىقارالىق كونكيشىلەر وداعىنىڭ تالاپتارىنا سايكەس ۇيىمداستىرىلادى. بۇگىنگى تاڭدا قاراعاندى, اتىراۋ, قوستاناي, اقمولا جانە شىعىس قازاقستان وبلىستارىنان, سونداي-اق استانا مەن الماتى قالالارىنان 250-گە جۋىق ءوتىنىش كەلىپ ءتۇستى», دەدى قالالىق سپورت باسقارماسىنىڭ ءباسپاسوز حاتشىسى ءمادينا ايتقاليەۆا.
كورەرمەندەر مەن جانكۇيەرلەر ءۇشىن كىرۋ تەگىن. سونداي-اق چەمپيونات YouTube جەلىسىندە تىكەلەي كورسەتىلەدى.