پرەمەر-مينيستر ءاليحان سمايىلوۆ قازاقستان مۇنايدى ءارتاراپتاندىرۋدى قالاي جوسپارلاپ وتىرعانىن ايتتى, دەپ حابارلايدى Egemen.kz.
ۇكىمەت باسشىسى مۇناي ەكسپورتىن ءارتاراپتاندىرۋ ءۇشىن ارنايى جول كارتاسى ازىرلەنگەنىن ايتتى.
«اتاپ ايتقاندا, بۇل اقتاۋ پورتى ارقىلى باكۋ پورتىنا جانە ودان باكۋ-تبيليسي-دجەيحان مۇناي قۇبىرى باعىتى. سونداي-اق گرۋزيادا باكۋ-سۋپسا جانە باكۋ-باتۋميدە ءبىزدىڭ تەرمينال ورنالاسقان. سونىمەن قاتار اتىراۋدان باتۋميگە جانە وزبەكستانعا باعىتتالعان تەمىر جولى, قىتاي حالىق رەسپۋبليكاسىنا دا باعىت بار», دەدى ءا.سمايىلوۆ.
پرەمەر-مينيستر سونداي-اق 2023 جىلدىڭ 1 قاڭتارىنان باستاپ باكۋ-تبيليسي-دجەيحان مۇناي قۇبىرى ارقىلى 1,5 ميلليون توننا قازاقستاندىق مۇنايدى تاسىمالداۋ تۋرالى كەلىسىم بارىن ايتتى. ودان ءارى 6-6,5 ملن تونناعا دەيىن ارتتىرۋ پىسىقتالىپ جاتىر.
سونىمەن قاتار ۇكىمەت باسشىسى «تەڭىزشەۆرويل» ۆاگون-تسيستەرنالارىنىڭ سانىن ەكى ەسەگە ارتتىرعانىن جانە قازىردىڭ وزىندە باتۋمي مەن وزبەكستانعا تەمىرجول ارقىلى پيلوتتىق جونەلتۋلەردى باستاعانىن اتاپ ءوتتى.