قازاقستاندىق دزيۋدوشى ەرعالي شامەي ەل قورجىنىن تاعى ءبىر مەدالمەن تولىقتىردى. ول ازەربايجان استاناسى باكۋدە ءوتىپ جاتقان دزيۋدودان 2022 جىلعى الەم چەمپيوناتىنىڭ فينالىندا ءساتتى ونەر كورسەتتى, دەپ حابارلايدى Egemen.kz.
ەرعالي سوڭعى جەكپە-جەكتە گەرمانيادان كەلگەن سپورتشى ساسس لەننارتتى 73 كەلىگە دەيىنگى سالماق دارەجەسىندە جەڭدى. وسىلايشا ەرعالي شامەي قازاقستان قۇراماسىنىڭ قورجىنىنا پارا دزيۋدودان الەم بىرىنشىلىگىنىڭ ەكىنشى «التىنىن» سالدى.
ايتا كەتەيىك, وعان دەيىن اقمارال ناۋاتبەك فينالدا فرانتسيادان كەلگەن سپورتشىنى جەڭىپ, 48 كەلى سالماق دارەجەسىندە ەرەكشەلەندى.
اتالعان جارىستا تاعى ەكى قازاقستاندىق جەڭىس تۇعىرىنان كورىنگەنىن اتاپ ءوتۋ كەرەك. دايانا فەدوسوۆا (57 كگ) مەن ولجاس ورازالى ۇلى (73 كگ) قولا مەدال يەگەرلەرى اتاندى.