جاقىندا عانا قر پارلامەنتى ءماجىلىسىنىڭ دەپۋتاتى بولىپ تىركەلگەن دميتري لەگكي انت قابىلدادى, دەپ حابارلايدى Egemen.kz.
ءماجىلىس توراعاسى ەرلان قوشانوۆ جاڭا دەپۋتاتتى قۇتتىقتاپ, قىزمەتىنە تابىس تىلەدى.
«قازاقستان حالقىنا ادال قىزمەت ەتۋگە, قازاقستان رەسپۋبليكاسىنىڭ تۇتاستىعى مەن تاۋەلسىزدىگىن نىعايتۋعا, ونىڭ كونستيتۋتسياسى مەن زاڭدارىن مۇلتىكسىز ورىنداۋعا, ماعان جۇكتەلگەن دەپۋتاتتىق جوعارى مىندەتتەردى ادال اتقارۋعا انت ەتەمىن», دەدى دميتري لەگكي.
ءماجىلىستىڭ جالپى وتىرىسىندا دميتري لەگكي قاي كوميتەت قۇرامىنا كىرەتىنى دە ايتىلدى. ول الەۋمەتتىك-مادەني دامۋ كوميتەتىندە قىزمەت اتقارادى.
«دميتري ماكسيموۆيچ – تاريحشى, قوعام قايراتكەرى, ۇستازدىق تاجىريبەسى مول, كوپ جىلدار بويى قوستاناي پەداگوگيكالىق ينستيتۋتىنىڭ, ودان كەيىن بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىنىڭ تاريح-قۇقىقتىق فاكۋلتەتتەرىنىڭ مەڭگەرۋشىسى بولىپ قىزمەت اتقاردى», دەدى ءماجىلىستىڭ الەۋمەتتىك-مادەني دامۋ كوميتەتىنىڭ توراعاسى ءجاميليا نۇرمانبەتوۆا.