شوتلانديانىڭ گلازگو قالاسىندا تەننيستەن كوماندالىق الەم چەمپيوناتى – بيللي دجين كينگ كۋبوگىنىڭ فينالدىق كەزەڭىندە س توبىندا قازاقستان ۇلىبريتايا قۇراماسىن جەڭدى, دەپ حابارلايدى Egemen.kz قتف ءباسپاسوز قىزمەتىنە سىلتەمە جاساپ.
«ەكىنشى كەزدەسۋدە قازاقستاننىڭ ءبىرىنشى, الەمنىڭ 22-راكەتكاسى ەلەنا رىباكينا مەن دۇنيەجۇزىلىك رەيتينگتە 98-ساتىدا تۇرعان حەرريەت دارت كورتقا شىقتى. ءبىرىنشى پارتيادا ەسەپ 1:1 بولعاننان كەيىن رىباكينا دەس بەرمەي, قاتارىنان بەس ويىندى الدى - 6:1. ەكىنشى سەتتى قازاقستاندىق سپورتشى 2:0 ەسەبىمەن ءساتتى باستاعانىمەن, دارت تارازى باسىن تەڭەستىردى. ەسەپ 4:4 بولعان مەزەتتە ەلەنا تاعى ءبىر برەيككە قول جەتكىزدى. سودان كەيىن ماتچقا دوپ بەرگەندە, مۇمكىندىگىن جىبەرگەن جوق – 6:4», دەلىنگەن قتف حابارلاماسىندا.
وسىلايشا, قازاقستان 2:0 ەسەبىمەن العا شىقتى. ەندى قالعان جۇپتىق باسەكە ەشتەڭەنى شەشپەيدى.
سارسەنبى كۇنى قازاقستاندىق قىزدار س توبىندا يسپانيامەن شەبەرلىك سىناسادى. ونى جەڭسە, جارتىلاي فينالعا جولداما الماق.