اباي اتىنداعى قازۇپۋ رەكتورىنىڭ كۋبوگى ءۇشىن ستۋدەنتتەر اراسىندا رەسپۋبليكالىق پىكىرسايىس ءوتتى. «جاڭا قازاقستان: جاڭا كەزەڭ, جاڭا باعىت» رەسپۋبليكالىق ءتۋرنيرىنىڭ ماقساتى – مەملەكەتتىك جاستار ساياساتىن جۇزەگە اسىرۋ, ينتەللەكتۋالدىق الەۋەتىن ارتتىرۋ.
ءتۋرنيردىڭ اشىلۋ ءراسىمى ەلىمىزدىڭ جاس پىكىرسايىسشىلارىن ۋنيۆەرسيتەت تاريحىمەن تانىستىرۋدان باستالدى. بۇدان سوڭ جاستار «تانىم ترەۆل» جوباسى اياسىندا قالانىڭ تانىمال ءارى كيەلى جەرلەرىن تاماشالادى.
ۋنيۆەرسيتەت رەكتورى دارحان ءبىلالوۆ قاتىسۋشى كوماندالار الدىندا ستۋدەنتتىك ءىس-شارالاردىڭ ماڭىزدىلىعىنا, جەكە تۇلعانى قالىپتاستىرۋداعى رولىنە توقتالدى. سونىمەن قاتار پىكىرسايىس تۋرنيرلەرى ارقىلى جاستاردىڭ تانىمدىق, شىعارماشىلىق الەۋەتىن جان-جاقتى دامىتۋعا جانە زەرتتەۋشىلىك داعدىلارىن قالىپتاستىرۋعا كوڭىل ءبولۋ قاجەتتىگىن, جاڭا قازاقستاننىڭ جارقىن بولاشاعىنا باعىتتىلعان جاستار باستاماسى ارقاشان قولداۋ تاباتىنىن جانە الداعى ۋاقىتتا بۇل ءداستۇرلى شاراعا اينالاتىنىن اتاپ ءوتتى.
تۋرنيرگە ەلىمىزدىڭ 8 وڭىرىنەن 25 جوعارى وقۋ ورنى ستۋدەنتتەرى قاتىسىپ, 100-دەن اسا پىكىرسايىسشىنىڭ ىشىنەن ءى ورىندى «70%» فراكتسياسىنان ءال-فارابي اتىنداعى قازۇۋ ستۋدەنتى جازيرا جوندەربەك جانە نازارباەۆ ۋنيۆەرسيتەتىنەن ەركەبۇلان ءارىپباي يەلەنسە, II ورىندى سۇلەيمەن دەميرەل اتىنداعى ۋنيۆەرسيتەتى «حان ءتاڭىرى» فراكتسياسىنان اسەت ورازعالي پەن ازامات ارىنوۆ ەنشىلەدى. ءىىى ورىندى ءال-فارابي اتىنداعى قازۇۋ-دىڭ «KN» فراكتسياسىنان كەنباي وزبەكاليەۆ جانە نۇرداۋلەت قۇلاحمەت جەڭىپ الدى. جەڭىمپازدار 11 اتالىم بويىنشا انىقتالعان جەڭىمپازدار ىشىنەن العاشقى ءۇش ورىنعا ارنايى سەرتيفيكاتتار مەن اقشالاي سىيلىقتار تابىس ەتىلدى.
الماتى