جاپونيانىڭ قازاقستانداعى توتەنشە جانە وكىلەتتى ەلشىسى يامادا دجۋن ۇلتتىق قورعانىس ۋنيۆەرسيتەتىندە بولىپ, تىڭداۋشىلارعا ءدارىس وقىدى, دەپ حابارلايدى Egemen.kz قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.
قۇرمەتتى قوناق ۋنيۆەرسيتەت تاريحىمەن, وقۋ-ماتەريالدىق بازاسىمەن تانىسىپ, سونىمەن قاتار تۇركيا, اقش, ءباا, يران, پاكىستان, قحر جانە ءۇندىستان اسكەرلەرىنىڭ اۋديتوريالارىندا بولدى.
ديپلومات يامادا دجۋن الەمدىك قاۋىمداستىقتىڭ الدىندا تۇرعان قاۋىپتەر مەن كليماتتىڭ وزگەرۋىنە بايلانىستى ماسەلەلەر تۋرالى ايتتى. تىڭداۋشىلار اسكەري عىلىم مەن تەحنيكانى دامىتۋ ماسەلەلەرىنە جانە عارىش پەن كيبەرنەتيكا سالالارىنداعى جاڭا باعىتتارعا ەرەكشە قىزىعۋشىلىق تانىتتى.
قازاقستان مەن جاپونيانىڭ قورعانىس ۆەدومستۆولارى اراسىنداعى ىنتىماقتاستىق جاڭا سەرپىنمەن ىلگەرىلەپ, بىرقاتار قارىم-قاتىناس اياسىندا تاجىريبە الماسۋ رەتتەلگەنىن ايتا كەتكەن ءجون.