اۋىز سۋسىز اۋىلدار

«بۇل جوسپار بارلىق اكىمدىككە جەتكىزىلگەن. نەگىزگى جۇمىستار 2024-2025 جىلدارعا بەلگىلەنگەن. الايدا كەيبىر اكىمدەر سۋمەن قامتاماسىز ەتۋ نىساندارىن تۇرعىزۋ مەن جاڭعىرتۋدىڭ جوبالىق-سمەتالىق قۇجاتتارىن جاساۋعا اسىقپاي وتىر. بۇل تۋرالى وبلىس اكىمى ق.اقساقالوۆتىڭ وزىنە جەتكىزدىك», دەيدى پ.شيلوۆ.

حالىقتى تازا اۋىز سۋمەن قامتاماسىز ەتۋدىڭ ءالى دە ۇشى-قيىرسىز جۇمىسى بار. بۇگىنگى تاڭدا سولتۇستىك قازاقستان وبلىسىنىڭ 409 اۋىلى تازا اۋىز سۋمەن قام­تاماسىز ەتىلگەن. 240,5 مىڭ ادام تۇ­را­تىن بۇل ەلدى مەكەندەر – بارلىق اۋىل سانىنىڭ 64 پايىزى. الايدا 45,8 مىڭ ادام تۇراتىن 226 اۋىلعا ءالى سۋ جەتكەن جوق.

2011 جىلدان 2020 جىلعا دەيىن وبلىس­تا 2,4 مىڭ شاقىرىمدىق سۋ قۇبىرى تارتىلدى. بۇل ىسكە وبلىستىق جانە رەس­پۋب­ليكالىق بيۋدجەتتەن 46,6 ملرد تەڭگە جۇم­سالدى. ال 2021 جىلى وسى ماقساتقا تاعى دا 10,3 ملرد تەڭگە ءبولىندى. بۇل قاراجات 49 ەلدى مەكەندى قامتىعان 174 شاقىرىم جەرگە قۇبىر وتكىزۋگە مۇم­كىندىك بەردى. بۇلاردا تۇراتىن حا­لىقتىڭ سانى 48 مىڭداي ادام. اتاپ ايتقاندا, اۋىز سۋ مامليۋت اۋدانىنىڭ پچەلينو, نوۆو­­دۋبروۆنوە, جامبىل اۋدانىنىڭ ۇزىن­­كول, سەنجاركا, ارحانگەلكا, ءايىمجان, قىزىلجار اۋدانىنىڭ بەرە­زوۆ­كا, گون­چاروۆكا اۋىلدارىنا جەت­­كىزىلدى.

بيىل اۋىز سۋدى جەتكىزۋ ىسىنە 12,3 ملرد تەڭگە قاراستىرىلعان. بۇل 55 ەلدى مە­كەننىڭ سۋ قۇبىرلارىن جاڭارتۋعا, جوندەۋگە جانە جاڭادان 10 اۋىلعا سۋ تارتۋعا جۇمسالادى دەپ جوسپارلانعان. الايدا بەلگىلەنگەن جۇمىستار ءالى تولىق اياقتالعان جوق. وبلىستا تاعى دا 33 ەلدى مەكەنگە سۋ جەتكىزىلمەي وتىر. بۇل 200 شاقىرىمداي جەرگە سۋ قۇبىرىن تارتۋدى قاجەت ەتەدى. «وسى جۇمىستاردى 2023 جىلى اياقتايمىز دەپ وتىرمىز», دەيدى وبلىستىق ەنەرگەتيكا جانە تۇر­عىن-ءۇي كوممۋنالدىق شارۋاشىلىعى باس­قار­ماسىنىڭ باستىعىنىڭ مىندەتىن اتقا­رۋ­شى.

وبلىستى سۋمەن قامتاماسىز ەتەتىن «ەسىل سۋ» جانە «قىزىلجار سۋ» دەگەن ەكى كاسىپورىن بار. سونىڭ ىشىندە «ەسىل سۋ» رمك وبلىستىڭ 11 اۋدانىن, سونىمەن بىرگە قوستاناي وبلىسىنىڭ 2 اۋدانىنداعى 192 مىڭ ادام تۇراتىن 248 ەلدى مەكەندى سۋمەن قامتاماسىز ەتىپ وتىر. كاسىپورىندا 865 ادام جۇمىس ىستەيدى. 2022 جىلى وسى كاسىپورىنعا 5,1 ملن تەكشە مەتر سۋمەن قامتاماسىز ەتۋگە تاپسىرىس بەرىلگەن. جىلدىڭ 9 ايىنداعى مالىمەتكە سايكەس سونىڭ 4,7 ملن تەكشە مەترى جەتكىزىلدى. جىل اياعىنا دەيىن قالعان كولەمى دە قامتاماسىز ەتىلمەك.

«ەسىل سۋ» كاسىپورنى ۇستىمىزدەگى جىل­­دىڭ 9 ايىندا مەملەكەتتەن العان بار­لىق سۋبسيديانىڭ 3,6 ملرد تەڭ­گە­سىن يگەرگەن. بۇل 2021 جىلدىڭ سايكەس مەر­زىمىمەن سالىستىرعاندا 27 پايىزعا ارتىق. «ەسىل سۋ» رمك سولتۇستىك قازاق­ستان­داعى فيليالىنىڭ ديرەكتورى قانات اسقاروۆتىڭ ايتۋىنا قاراعاندا, سونىڭ ىشىندە بيىلعا, كاسىپورىننىڭ سولتۇستىك قازاقستان فيليالىنا 4,5 ملن تەكشە مەتر سۋ جەتكىزۋگە بولىنۋگە ءتيىستى 3,9 ملرد تەڭگەنىڭ ازىرگە 2,8 ملرد تەڭگەسى عانا جەتكىزىلگەن. ءسويتىپ, 1 ملرد تەڭگە سۋب­سي­ديا­لىق دەفيتسيت بولىپ وتىر ەكەن. بۇل كاسىپورىننىڭ قارقىندى جۇمىس ىستەۋىنە قول­بايلاۋ بولۋدا.

ال «قىزىلجار سۋ» – وبلىس ورتا­لىعىن اۋىز سۋمەن قامتاماسىز ەتەتىن ءارى سۋ شايىندىلارىن شىعاراتىن كۆازي­مەملەكەتتىك كاسىپورىن. 2014 جىلدان بەرى بۇل كاسىپورىن قالانىڭ 100,8 شاقىرىم سۋ قۇبىرىن جاڭالاعان. سونداي-اق 56,7 شاقىرىم شايىندى سۋدىڭ قۇبىرلارىن جوندەدى. سول ارقىلى قازىر اۋىز سۋ قۇبىرلارىنىڭ توزۋى 74-تەن 58 پايىزعا, كارىز جۇيەلەرىنىڭ توزۋى 64-تەن 61 پايىزعا تومەندەگەن. كاسىپورىن باسشىسى جەڭىس سۇلتانوۆتىڭ ايتۋىنا قاراعاندا, سۋ جەتكىزەتىن ماگيسترالدى جۇيەلەردى ۇلكەن ديامەترلى قۇبىرلارمەن اۋىس­تىرۋ ءۇشىن رەسپۋبليكالىق بيۋدجەتتەن قاراجات ءبولىنۋى كەرەك. ويتكەنى بۇل شىعىنعا جەرگىلىكتى بيۋدجەتتىڭ قا­رىمى جەتپەيدى. سونىمەن قاتار شا­يىندى سۋ اعاتىن «بيوپرۋد» دامباسىن دا جاڭعىرتۋعا ۇلكەن كولەمدەگى قاراجات قاجەت. «دامبانى ۇلكەيتىپ, مۇم­كىن­دى­گىنشە تازالاماسا, كۇكىرتتى سۋتە­گى­نىڭ جامان ءيىسى قالاعا جەتىپ تۇر. بۇل جۇ­مىستاردى مۇمكىندىگىنشە ءوز كۇ­شى­مىزبەن دە اتقارۋدامىز. «سۋدىڭ عى­لى­مي-تەحنيكالىق ورتالىعى» سەرىكتەستىگى مەن حلورەللا پرەپاراراتىن ساتىپ الۋ­عا كەلىسىمشارت جاسادىق. الايدا بۇل ماسەلەنى تولىق شەشپەيدى», دەيدى ج.سۇلتانوۆ.

سولتۇستىك قازاقستان وبلىسى