استانا قالاسىنىڭ اكىمى التاي كولگىنوۆ Instagram پاراقشاسىندا جاڭا كوپىردىڭ قۇرىلىسى تۋرالى ايتتى, دەپ حابارلايدى Egemen.kz.
«جىل سايىن قالا تۇرعىندارىنىڭ قاتارى كوبەيىپ, كولىك ءنوپىرىنىڭ ارتۋىنا بايلانىستى جول-كولىك جەلىسىن دامىتۋعا ءتيىستى كوڭىل ءبولىپ كەلەمىز. ترافيكتى جەڭىلدەتۋ جانە اۋداندار اراسىنداعى قوسىمشا بايلانىستى قامتاماسىز ەتۋ ءۇشىن كوپىرلەر, كوشەلەر سالامىز. سول سياقتى جولداردى كەڭەيتۋ جۇمىسىن جۇرگىزەمىز», دەپ جازدى اكىم.
قالا اكىمى ەسىل وزەنى ارقىلى وتەتىن تاۋەلسىزدىك داڭعىلىنداعى كوپىر قۇرىلىسىنىڭ بارىسىمەن تانىستى. بۇل كوپىر تاۋەلسىزدىك داڭعىلى, جاڭا تەمىرجول ۆوكزالى, قوشقارباەۆ داڭعىلى, ناجىمەدەنوۆ كوشەسى, ازىرەت سۇلتان مەشىتى, بايتۇرسىنوۆ كوشەسى, قورداي, ايناكول, مومىش ۇلى داڭعىلى مەن سول جاعالاۋ اراسىنداعى قوسىمشا بايلانىستى قامتاماسىز ەتەدى.
«بۇل كوپىردى 2023 جىلى اياقتاۋدى جوسپارلاپ وتىرمىز. وسى جىلدىڭ تامىز ايىندا ۇلى دالا داڭعىلىنداعى جاڭا كوپىر ۇستىندەگى قوزعالىستى اشتىق. كوپىر ماڭگىلىك ەل داڭعىلىنا, ا. بايتۇرسىنوۆ, ر. قوشقارباەۆ, ج. ناجىمەدەنوۆ كوشەلەرىنە, Nova City اۋدانىنا, «مىڭجىلدىق» اللەياسىندا كولىك اعىنىن سەيىلتۋگە, «نۇرلى جول» جاڭا ۆوكزالىنا, تەلمان جانە پرومىشلەننىي ەلدى مەكەندەرىنە, مەترو گيپەرماركەتىنە, جۇماباەۆ داڭعىلىنا, جۇرگەنوۆ كوشەسىنە جانە ت.ب. قولجەتىمدىلىكتى ارتتىرادى.
سول سياقتى وسى ايدا ا62 كوشەسىندە (ا91 كوشەسىنەن استانا-قاراعاندى تاس جولىنا دەيىنگى ارالىق) قوزعالىستى اشۋدى جوسپارلاپ وتىرمىز. بۇل كوشە قاراعاندى تاس جولى, «نۇرلى جول» تەمىرجول ۆوكزالى جانە قالانىڭ سول جاعالاۋى اراسىنداعى كولىك قاتىناسىن قامتاماسىز ەتەدى», دەدى التاي كولگىنوۆ.
سونىمەن قاتار ول سوڭعى جىلدارى 400-دەن استام كوشە جوندەلگەنىن جانە ولاردىڭ جارتىسى ەلدى مەكەندەردە ورنالاسقانىن اتاپ ءوتتى.
«وسىعان دەيىن ءبىز كەشەندى كولىك سحەماسى (ككس) تۇجىرىمداماسىن بەكىتتىك. ككس تۇرعىنداردىڭ جىل سايىنعى ءوسىمىن جانە جولدارداعى ترافيكتىڭ ۇلعايۋىن ەسكەرە وتىرىپ, قالالىق كولىكتىڭ 10 جانە ودان دا كوپ جىلعا بىرىڭعاي تەحنيكالىق پايىمىن ازىرلەۋگە مۇمكىندىك بەرەدى», دەپ جازدى ەلوردا اكىمى.