شاراينا
ماسكەۋ قالاسىندا جۋرناليست اننا پوليتكوۆسكايانىڭ ولىمىنە قاتىستى سوت وتىرىسى وتىپ جاتىر. پروكۋرور سوتتان ايىپتالۋشىلاردى 15 جىل مەرزىمنەن ومىر بويى تۇرمەدە وتىرعىزۋ جازاسىن سۇرادى. مەملەكەتتىك ايىپتاۋشى پوليتكوۆسكايانى ءولتىرۋدى ۇيىمداستىرعانى ءۇشىن گايتۋكاەۆ پەن ماسكەۋ قالاسى ىشكى ىستەر باسقارماسىنىڭ قىزمەتكەرى حادجيكۋربانوۆتى تيىسىنشە ءبىرىن ءومىر بويى باس بوستاندىعىنان ايىرۋدى, ال ەكىنشىسىن 22 جىل تۇرمەدە وتىرعىزۋ جازاسىنا كەسۋدى سۇرادى. پروكۋرور, سونداي-اق, ءولتىرۋدى ۇيىمداستىرعاندار جازالارىن قاتاڭ رەجىمدەگى كولونيادا وتەۋلەرى ءتيىس دەپ ەسەپتەيدى. پوليتكوۆسكايا 2006 جىلدىڭ 7 قازانىندا ءوز ءۇيىنىڭ كىرەبەرىسىندە كيللەر وعىنان قازا تاپقان ەدى. بەلگىسىز مەرزىمگە شەگەرۋدى ۇسىندى سيريالىق وپپوزيتسيا پرەزيدەنتتىك سايلاۋدى بەلگىسىز مەرزىمگە شەگەرۋدى ۇسىندى. مۇنى وپپوزيتسيا وكىلدەرىنىڭ ءبىرى – كادري دجاميل ماسكەۋ قالاسىندا وتكىزگەن ءباسپاسوز ءماسليحاتىندا مالىمدەدى. ونىڭ ايتۋىنشا, سايلاۋشىلاردىڭ كوپشىلىگى داۋىس بەرۋگە قاتىسا المايدى. سونداي-اق, ول وپپوزيتسيا «پرەزيدەنتتىك سايلاۋعا بايكوت جاريالاۋعا شاقىرىپ وتىرعان جوق» دەپ اتاپ وتكەن. بۇل ەلدە سايلاۋ 3 ماۋسىمعا بەلگىلەنگەن. باشار اسادقا نەگىزگى باسەكەلەس رەتىندە ەكى ساياساتكەردىڭ اتى-ءجونى اتالادى. ءبىرى – 43 جاستاعى اللەپولىق كوممۋنيست ءارى دەپۋتات ماحەر ابدەل حافيز حادجار, ەكىنشىسى – ەلدىڭ بۇرىنعى ءمينيسترى 54 جاستاعى حاسسان ابدەل يللياحي ان-نۋري. تۋريستەردى وسىلاي تارتسا كەرەك تاريحتا العاش رەت اسا مول كولەمدەگى تۋريستىك توپ قىتايدان لوس-اندجەلەس قالاسىنا كەلدى. قۇرامى التى مىڭ ادامنان تۇراتىن توپتى وسىندا جەتكىزۋ ءۇشىن 70 اۆيارەيس قاجەت بولعان. تۋريستەرمەن كەزدەسۋ الدىندا ءبىر ساۋدا ورتالىعىندا قىزىل ءتۇستى توسەنىش توسەلىپتى. تۋريستەر جۇزگە جۋىق شاعىن توپتارعا بولىنگەن جانە ءار توپتىڭ ءوز باعدارلامالارى بار كورىنەدى. بۇل تۋريستىك توپتىڭ كەلۋىن «پەرفەكت» دەگەن ساۋدا كومپانياسى ۇيىمداستىرعان. ءارى وسى كومپانيا تۋريستەردىڭ بار شىعىنىن كوتەرگەن. اقش ساۋدا دەپارتامەنتىنىڭ مالىمەتتەرى بويىنشا, وتكەن جىلى اقش-تا 1,8 ميلليوننان استام قىتايلىق بولعان ەكەن. ولاردىڭ ارقايسىسى ورتا ەسەپپەن 10 مىڭ دوللارداي قارجى قالدىرىپتى. قارجىلىق الاياقتىقتى مويىندادى فرانتسيانىڭ وپپوزيتسيالىق «حالىق قوزعالىسى وداعى ءۇشىن» پارتياسىنا 2012 جىلعى پرەزيدەنتتىك سايلاۋدا نيكوليا ساركوزيدىڭ سايلاۋ كامپانياسى كەزىندە قارجىلىق الاياقتىق جاسادى دەگەن ايىپ تاعىلىپ وتىر. يتار-تاسس اگەنتتىگىنىڭ حابارلاۋىنشا, دۇيسەنبى كۇنى پارتيانىڭ شتاب-پاتەرىنە ءتىنتۋ جۇرگىزىلگەن. «كامپانيانىڭ 11 ميلليون دوللارعا جۋىق قاراجاتى باسقا ماقساتقا جۇمسالدى» دەپ مالىمدەدى جەروم پاۆريە. بۇل ادام سايلاۋ ناۋقانى كەزىندە ساركوزيدىڭ سايلاۋالدى شتابى جەتەكشىسىنىڭ ورىنباسارى بولعان ەكەن. ونىڭ ايتۋىنشا, بۇل ماسەلەلەردەن ساركوزي مەن پارتيانىڭ قازىرگى باسشىسى جان-فرانسۋا كولە حابارسىز بولعان. سوندىقتان ج.لاۆريە الاياقتىققا قاتىستى ماسەلەنى ءوز جاۋاپكەرشىلىگىنە الىپ وتىر. ولاردى ادۆوكاتى پاتريك مەزوننەۆتىڭ سوزىنە قاراعاندا, بۇل «ەكونوميكالىق بوپسالاۋ بولىپ تابىلادى». قاي جەردە ەكەندەرى انىقتالدى نيگەريا قورعانىس شتابىنىڭ باسشىسى الەكس بادەح ەلدىڭ قارۋلى كۇشتەرىنە ۇرلانعان وقۋشى قىزداردىڭ قاي جەردە ەكەندىگى بەلگىلى بولعانىن مالىمدەدى. بىراق, ونى اتاۋدان باس تارتتى. ەل بيلىگى تۇتقىنداعى قىزداردى قۇتقارۋعا قازىرشە كىرىسە الماي وتىر. سەبەبى, قۇتقارۋ وپەراتسياسى بارىسىندا سودىرلار كەپىلگە الىنعانداردى ءولتىرىپ تاستاۋى مۇمكىن. «بوكو حارام» تەررورلىق ۇيىمى وسى جىلدىڭ 14 ساۋىرىندە شيبوك قالاسىنداعى مەكتەپكە شابۋىل جاساپ, سودىرلار 276 قىزدى ۇرلاپ كەتكەن ەدى. تەررورشىلار ولاردى قۇلدىققا ساتامىز دەپ قورقىتقان دا بولاتىن. دەرەك كوزدەرىنە قاراعاندا, ەكى جاق كەپىلدەگى 50 قىزدى «بوكو حارام» ۇيىمىنىڭ قاماۋداعى 100 مۇشەسىنە ايىرباستاۋعا كەلىسكەن سياقتى. نيگەريا ۇكىمەتى بۇل مالىمدەمەدەن باس تارتىپ وتىر. ونىڭ سەبەبى بەلگىسىز. اۋىر سالماقتىنىڭ ءبىرى قايتىس بولدى 2007 جىلى الەمدەگى سالماعى ەڭ اۋىر دەپ تانىلعان مەكسيكالىق مانۋەل ۋريبە 48 جاسىندا ومىردەن وزدى. «اسسوشەيتەد پرەسس» اگەنتتىگىنىڭ اقپاراتى بويىنشا, ول مونتەررەي قالاسىنداعى اۋرۋحانادا جۇرەك تالماسىنان قايتىس بولعان. ۋريبەنى اۋرۋحاناعا كوتەرگىش كراننىڭ كومەگىمەن كىرگىزىپتى. ونىڭ ارتىندا زايىبى كلاۋديا قالدى. ۋريبەنىڭ سالماعى 2001 جىلى 597 كيلونى تارتقان ەكەن. ديەتا ۇستاۋدىڭ ارقاسىندا ول 360 كيلوعا دەيىن ارىقتاپتى. قازىرگى كەزدە الەمدەگى سالماعى ەڭ اۋىر ادام ساۋد ارابياسىنىڭ تۇرعىنى حاليد موحسەن شااريدەن ەسەپتەلەدى. ونىڭ سالماعى 610 كيلونى قۇرايدى.قىسقا قايىرىپ ايتقاندا:
*بۋرياتيادا اناسى ۇلىنىڭ قالتاسىنان تاۋىپ العان ناسىبايدى جەۋگە قىستاعان. سونىڭ كەسىرىنەن ۇلى اجال قۇشىپتى. * اقش اكىمشىلىگى كەزدەيسوق جاعدايدا ورتالىق بارلاۋ باسقارماسىنىڭ اۋعانستانداعى رەزيدەنتۋرا باستىعىنىڭ جەكە باسىن جاريا ەتىپ قويدى. ونىڭ اتى-ءجونى باراك وبامانىڭ اۋعانستانعا ساپارى بارىسىنداعى ءىس-شارالارعا قاتىساتىن 15 ادامنىڭ تىزىمىنە كىرگىزىلگەن ەكەن. *سيريا اۋماعىندا ۇرلانعان حيميالىق قارۋعا تىيىم سالۋ جونىندەگى ۇيىم ميسسياسىنىڭ قىزمەتكەرلەرى بوساتىلدى. قازىر ولار وزدەرىنىڭ بازاسىنا ورالدى. *رەسەيلىك بيزنەسمەن انتون زينگارەۆيچ «رەدينگ» فۋتبول كلۋبىنىڭ باقىلاۋ پاكەتى اكتسيالارىن ساتۋعا قويۋ جونىندە شەشىم قابىلدادى. ول, سونداي-اق, اكتسيالاردى نەبارى ءبىر فۋنتقا ساتۋعا دايىن ەكەنىن مالىمدەدى.ينتەرنەت ماتەريالدارى نەگىزىندە ازىرلەندى.