اتىراۋدا براكونەرلەر گاراجدا بالىق پەن ەسىرتكى ساقتاعان

«پوليتسەيلەر «براكونەر» جەدەل-الدىن الۋ شاراسى بارىسىندا ەسىرتكى مەن بەكىرە بالىقتارىن زاڭسىز ساقتاعان ءۇش ادامدى انىقتادى. ولاردىڭ ءبىرىنىڭ گاراجىن ءتىنتۋ كەزىندە سالماعى 101 كەلى بالىق, بەكىرە تۇقىمداس بالىقتان 20 كەلى, 7 دانا كولەمىندە ەسىرتكى زاتتارى تابىلدى. كۇدىكتىلەردىڭ ءبىرىنىڭ گاراجىنان 5 موتورلى قايىق پەن تىركەلمەگەن قوس اۋىزدى 16-كاليبرلى شولاق مىلتىق تابىلىپ, تاركىلەندى. ۇستاۋعا اتىراۋ وبلىسى ءىىد ەكسترەميزمگە قارسى كۇرەس باسقارماسىنىڭ جانە №1 قالالىق ءبولىمنىڭ پوليتسيا قىزمەتكەرلەرى قاتىستى», دەپ حابارلادى وبلىستىڭ پد ءباسپاسوز قىزمەتى.

1981, 1984 جانە 1976 جىلى تۋعان ءۇش كۇدىكتىگە قاتىستى بۇلتارتپاۋ شاراسى تاڭدالىپ, قازاقستان رەسپۋبليكاسى قىلمىستىق كودەكسىنىڭ 339-بابىنىڭ 1-بولىگىنە, 296 باپتىڭ  2-بولىگىنە سايكەس سوتقا دەيىنگى تەرگەۋ امالدارى جۇرگىزىلۋدە.