الماتى قالاسىندا «يسلام الەمىنىڭ قاسيەتتى ورىندارى» (ورىس تىلىندە – «سۆياتىني يسلامسكوگو ميرا») كىتابىنىڭ تۇساۋكەسەرى بولدى. كىتاپ اۆتورى بەلگىلى ءدىنتانۋشى, قالامىنان بىرنەشە عىلىمي ەڭبەكتەر تۋىنداعان امانكەلدى ابدىحالىق. ول – 2007 جىلدان بەرى «نۇر-قازاقستان» قاجىلىق كومپانياسىنىڭ پرەزيدەنتى. 2011 جىلى حالىقتار اراسىنداعى بىرلىك پەن ىنتىماقتاستىقتى نىعايتىپ, يماندىلىق سالاسىندا جۇرگىزگەن ەڭبەگى ءۇشىن حالىقارالىق «اتا تۇرىك» التىن مەدالىمەن ماراپاتتالعان.
بۇل تۇساۋكەسەرگە ەلىمىزدىڭ ءدىني باسقارما وكىلدەرى, تانىمال سپورتشىلار جاقسىلىق ۇشكەمپىروۆ, ەرماحان يبراگيموۆ, انشىلەر اقجول مەيىربەكوۆ, روزا ءال-قوجا, جاكەن وماروۆ, قاجىلار مەن ءار وبلىستاردان كەلگەن قوناقتار قاتىستى.
بۇل كىتاپتا ساۋد ارابياسى مەن پالەستينا ايماعىنداعى كيەلى ورىندار كەڭىنەن سيپاتتالعان. مەككە, ءمادينا جانە يەرۋساليم قالالارىنىڭ باي تاريحى, ولاردىڭ يسلام دۇنيەسىندەگى ءارتۇرلى تاريحي كەزەڭدەردە بولعان وزگەرىستەرى جونىندە باياندالادى. سونىمەن قاتار, بۇل كىتاپتا اۆتوردىڭ ەڭبەك جولىندا ءوزى كورىپ كۋا بولعان ونەگەلەر مەن قاجىلاردىڭ ەستەلىك ماقالالارى بەرىلگەن.
اتالمىش ەڭبەك ءدىن ماماندارى مەن يمامدارعا جانە كوپشىلىك قاۋىمعا ارنالعان.
قايسار سەردالين.
الماتى.
سۋرەتتە: قازاقشا, ورىسشا كىتاپ مۇقاباسىنىڭ سۋرەتى.