اقمولا وبلىسىندا قىزىل كىتاپقا ەنگەن ەكى اققۋدى اتقان اڭشى ۇستالدى, دەپ حابارلايدى Egemen.kz.
Polisia.kz حابارلاعانداي, جۋراۆلەۆ اۋىلدىق وكرۋگى اۋماعىندا جۇرگىزىلگەن رەيد بارىسىندا 67 جاستاعى جەرگىلىكتى تۇرعىن باسقارعان «يج-يۋپيتەر 5» موتوتسيكلىن بۇلاندى اۋداندىق پوليتسيا ءبولىمىنىڭ ۋچاسكەلىك ينسپەكتورلارى توقتاتقان.
موتوتسيكلدى ءتىنتۋ بارىسىندا ەكى اققۋدىڭ ولەكسەسى مەن 12 كاليبرلى توز 34 تەگىس ۇڭعىلى اڭشى مىلتىعى تابىلدى. ايتا كەتەيىك, قارۋ پوليتسيا بولىمىندە تىركەلگەن, بۇدان بولەك اۋىل تۇرعىنىندا ءتيىستى اڭشى كۋالىگى بار. اقمولالىقتاردىڭ ايتۋىنشا, ول قىزىل كىتاپقا ەنگەن اققۋلاردى اۋلاۋعا تىيىم سالىنعانىن بىلگەن, الايدا قۇستاردى اتىپ تاستاعان.
«بۇل دەرەك قازاقستان رەسپۋبليكاسى قىلمىستىق كودەكسىنىڭ 337-بابىنىڭ 1-بولىگى (زاڭسىز اڭشىلىق) بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى. قاجەتتى تەرگەۋ امالدارى جۇرگىزىلۋدە», دەپ حابارلادى اقمولا وبلىسى اكىمدىگىنىڭ ءباسپاسوز قىزمەتى.
پوليتسەيلەر وڭىردە سۋدا جۇزەتىن قۇستاردى اۋلاۋعا تىيىم سالىنعانىن ەسكەرتەدى. اققۋلار سانى ازايىپ بارا جاتقان قۇستىڭ ءتۇرى رەتىندە قازاقستان رەسپۋبليكاسىنىڭ قىزىل كىتابىنا ەنگىزىلگەن.