بوزوق قالاشىعى جاڭعىرتىلادى

«بوزوق» ۇلتتىق پاركى – استانانىڭ تۋريستىك برەندى ءارى ماڭدايالدى ءرامىزى عانا ەمەس, ەلوردا تۇرعىندارى مەن قوناقتارىنىڭ مادەني دەمالىس ورنىنا اينالىپ, ىشكى جانە حالىقارالىق ءتۋريزمنىڭ ءوسۋىن قامتاماسىز ەتەدى.

ءىس-شارادا ءسوز العان مادەنيەت جانە سپورت ءمينيسترى داۋرەن اباەۆ «بوزوق» قالاشىعىنىڭ تاريحي قۇندىلىعى زور ەكەنىن اتاپ ءوتتى.

«بۇل جەردە ۇلتتىق ساياباق قۇرۋداعى ماقسات – تاريحي-مادەني مۇرانىڭ باي قاباتىن ساقتاۋ جانە ونىمەن ۇندەس بولۋ, ونى قالىڭ جۇرتقا كورسەتىپ, تانىمال ەتۋ. بولاشاقتا بۇل اۋماق ۇلى دالا تاريحىن بەينەلەيتىن كەشەندى ارحەولوگيالىق ساياباققا ەلوردامىزدىڭ تۇرعىندارىن عانا ەمەس, سونىمەن قاتار قازاقستان مەن الەمنىڭ تۇپكىر-تۇپكىرىنەن كەلگەن تۋريستەردى تارتاتىن ورتالىققا اينالادى», – دەدى مينيستر.

سونداي-اق تاريح عىلىمدارىنىڭ دوكتورى, اكادەميك ەرلان سىدىقوۆ كونە قالاشىقتىڭ تاريحى مەن ماڭىزى تۋرالى ايتا كەلىپ, ىرگەتاسى قالانعان اۋقىمدى جوباعا ساتتىلىك تىلەدى.

ال «بوزوق» مەملەكەتتىك تاريحي-مادەني مۋزەي-قورىعىنىڭ ديرەكتورى ساۋلە بۋرباەۆا بۇگىنگى باس قالانىڭ تاريحى وسى شاھاردان باستالىپ, ەجەلگى داۋىردە وندا ادامدار ءومىر سۇرگەنى جايىندا عىلىمي نەگىز بار ەكەنىن جەتكىزدى.

«بۇل تۋرالى 1998 جىلى بوزوق قالاشىعىن اش­قان ەسىمى الەمگە تانىمال ارحەولوگ كەمەل اقى­شەۆتىڭ عىلىمي تۇجىرىمدامالارىنىڭ ارقاسىندا ءبىلىپ وتىرمىز. ەجەلگى شاھاردىڭ قيران­دىلارى بۇزىقتى كولىنىڭ شىعىس جاعا­لاۋىنان تابىلعان. وسى 20 جىل ىشىندە عالىمدار بۇل ايماققا قازبا جانە زەرتتەۋ جۇمىستارىن جۇر­گىزىپ, اۋقىم­دى ىستەر ات­قاردى. مۇندا تابىل­عان ءاربىر جا­دىگەر وسى اۋماق­تىڭ باي مادەنيەتى بولعانىن دا­لەل­دەيدى», دەدى اتالعان مۋزەي-قورىعىنىڭ باسشىسى.

ايتا كەتەيىك, جوبا قۇرىلىسى 2025 جىلعا دەيىن جالعاسادى.