ۇشاق يركۋتسك قالاسىنداعى تۇرعىن ۇيلەردىڭ بىرىنە قۇلاعان. بۇل سوڭعى اپتادا بولعان ەكىنشى ۇشاق اپاتى, دەپ حابارلايدى Egemen.kz.
توتەنشە جاعدايلار مينيسترلىگىنىڭ مالىمەتىنشە, سۋ-30 ۇشاعى سىناق كەزىندە جەكە سەكتورعا قۇلاعان. اپات بولعان جەردە ءورت شىعىپ, 200 شارشى مەتردى قامتىپتى.
ازىرگە قازا بولعاندار مەن زارداپ شەككەندەر تۋرالى اقپارات جوق.
ايتا كەتەيىك, سوڭعى مالىمەتتەر بويىنگا ءبىر اپتا بۇرىن كراسنودار ولكەسىنىڭ يەيسك قالاسىندا سۋ-34 جويعىش-بومبالاۋشى ۇشاعىنىڭ اپاتقا ۇشىراۋى سالدارىنان 15 ادام, ونىڭ ىشىندە ءۇش بالا قازا تاپتى. كۇزدە اسكەري ۇشاق توعىز قاباتتى تۇرعىن ۇيگە ءتيىپ كەتكەن.