سىبايلاس جەمقورلىقتى بولدىرماۋ ماقساتىندا شىمكەنت قالاسىندا مەملەكەتتىك قىزمەتتەردىڭ 97 پايىزى - اۆتوماتتاندىرىلعان ەلەكتروندى جۇيەگە كوشەدى, دەپ حابارلايدى Egemen.kz.
وتاندىق تەلەارنالاردىڭ ءبىرى حابارلاعانداي, كوشەلەر مەن قوعامدىق ورىندارداعى ءتارتىپتى باقىلاۋ ءۇشىن 1 مىڭ بەينەكامەرا ورناتىلادى. سىبايلاس جەمقورلىققا قارسى ءىس-قيمىل جونىندەگى كوميسسيانىڭ جانە قالانىڭ قوعامدىق كەڭەسىنىڭ بىرلەسكەن وتىرىسىندا وسى سالاداعى اتقارىلعان جۇمىستار زەردەلەندى.
سىبايلاستىققا تۇساۋ سالۋ ءۇشىن شىمكەنتتە ءبىلىم بەرۋ مەكەمەلەرىنە جۇمىسقا تۇرۋ ەلەكتروندى باعدارلاما ارقىلى جۇرگىزىلۋدە. مۇنان بولەك ءۇي كەزەگىنە جازىلۋ, باسپانانى جەكەشەندىرۋ دە اۆتوماتتى جۇيە ارقىلى اتقارىلادى. الەۋمەتتىك قورعاۋ سالاسىنداعى 33, جەر قاتىناستارىنداعى 15 قىزمەت ءتۇرى ەلەكتروندى فورماتقا كوشكەن.
«مەديتسينا, ءبىلىم بەرۋ سالاسى, جەر قاتىناستارى, سونان سوڭ الەۋمەتتىك ماسەلەلەر, جەرگىلىكتى بيۋدجەتتەن بەرىلگەن قاراجاتتىڭ ماقساتسىز پايدالانىلۋى, ول جەردە دە سىيبايلاستىققا بايلانىستى جۇمىستار بار», دەدى سىبايلاس جەمقورلىققا قارسى ءىس-قيمىل اگەنتتىگى پرەۆەنتسيا قىزمەتىنىڭ باسشىسى سايان احمەتجانوۆ.