ەسكەرتكىش تاقتا قويىلدى

ءىس-شارانىڭ اشىلۋىندا استانا قالاسى ءماسليحاتىنىڭ حاتشىسى ەرلان كاناليموۆ تالانتتى اقىننىڭ ءومىرى مەن شىعارماشىلىعىنا توقتالىپ, جىلى ءىلتيپاتىن جەتكىزدى.

«مارفۋعا بەكتەمىروۆا – قامشىنىڭ سابىنداي قىس­قا عۇمىر كەشسە دە شىعارما­شى­لىقتا ءونىمدى ەڭبەك ەتىپ, ويلى, مۇڭلى ولەڭدەرىمەن قازاق پوە­زياسىندا ءوز قولتاڭباسىن قال­دىردى. حالقىمىزدىڭ «جاق­سىنىڭ اتى, عالىمنىڭ حا­تى ولمەيدى» دەگەن تاعى­لىم­دى ءسو­زىن مارفۋعا اپامىزعا ارناپ ايتۋعا بولادى. اقىننىڭ ارتىندا قالعان ادەبي مۇراسى ەلىمەن بىرگە جاساي بەرەدى. بىل­­تىر ەلوردا تورىنەن الاش ارىس­­تارىنا ەسكەرتكىش اشىلىپ, ونەر مەن رۋحانياتىمىزعا ەڭ­بەگى سىڭگەن بىرقاتار تۇلعا­مىز­دىڭ ەسىمىنە كوشە بەرىل­دى. بۇل – ءبىزدىڭ سانالى ءومىرى مەن قىز­­مەتىن تۋعان حالقىنا ار­ناعان قايراتكەرلەرگە دەگەن قۇر­مە­تىمىز. سونىڭ ءبىر كورىنىسى رەتىندە بۇگىنگى ءوتىپ وتىرعان ءىس-شا­رانى ايتامىن», دەدى ءماسلي­حات حاتشىسى.

ودان كەيىن ءسوز العان جازۋشى, مەملەكەتتىك سىيلىقتىڭ لاۋ­رەاتى الىبەك اسقاروۆ مار­­فۋعا بەكتەمىروۆامەن ءال-فا­رابي اتىنداعى قازاق ۇلت­تىق ۋني­ۆەرسيتەتىندە بىرگە وقى­عان جىل­دارىنان ەستەلىك ايتا كە­لىپ: ء«بىر جىلدارى «اۋدار­­ما» باسپاسىن اشىپ, شەت­ەل اقىن-جازۋشىلارىنىڭ شى­عار­­­مالارىن اۋدارىپ, شى­­عارا باستادىق. مارفۋعا ورىس­تىڭ اتاق­تى اقىنى اننا احما­توۆانىڭ ولەڭدەرىن جاقسى كو­رەدى ەكەن. ءتىپتى جىرلارىن جات­قا وقيدى. ءسويتىپ, ول احما­توۆانىڭ تۋىندىلارىن قازاق­شاعا مولدىرەتىپ اۋداردى. مار­فۋعانى قازاقتىڭ دارىندى اقىن قىزدارىنىڭ ءبىرى دەپ بىلە­مىن. اقىننىڭ ماڭگىگە جال­عاس­قان ءومىرى وسىلاي باس­تالادى», دەپ پاراساتتى وي قورىتتى قا­لام­گەر.

سونداي-اق ءىس-شارادا «Amanat» پارتياسى استانا قالالىق فيليالىنىڭ اتقا­رۋشى حاتشىسى بەرىك جاكە­نوۆ, وقۋ-اعارتۋ ۆيتسە-ءمي­نيس­ترى عاني بەيسەمباەۆ, اق­مو­لا وبلىستىق مادەنيەت, ارحيۆ جانە قۇجات­تامالار باس­قار­ما­سىنىڭ باس­شىسى ايگۇل ءسا­بيتوۆا, جازۋشىلار وداعى اس­تانا قالالىق فيليا­لىنىڭ تور­اعاسى داۋلەتكەرەي كاپ ۇلى ءسوز سويلەپ, اقىن ەربول بەيىل­حان ارناۋ ولەڭىن وقىدى.