بۇگىندە تەمىر جول كولىگىنىڭ استىندا قالىپ مەرت بولىپ نەمەسە اۋىر جاراقات الىپ جاتقان جاعدايلار از ەمەس. جەكە باس قاۋىپسىزدىگىن ساقتاماي, وتۋگە تىيىم سالىنعان جەرلەرمەن تەمىر جولدى كەسىپ ءوتۋدىڭ سالدارى وسىنداي جاعدايعا اكەلىپ سوعادى.
بيىل اقتوبە ستانساسىنىڭ اۋماعىندا جۇك پويىزىنىڭ بوگدە ادامدى قاعىپ كەتۋ وقيعاسى ورىن الدى. ەگدە جاستاعى ازامات, وتۋگە ارنالماعان جەردە تەمىر جولدى كەسىپ وتپەك بولىپ جۇك قۇراماسىنىڭ سوعۋىنان اۋىر جاراقات الىپ, اۋرۋحانادا كوز جۇمدى.
تاعى ءبىر ايتا كەتەرلىك جايت, تەمىر جولدى كەسىپ وتەمىن دەپ جاراقات الىپ جاتقانداردىڭ باسىم كوپشىلىگى جەكە باس قاۋىپسىزدىگىن ساقتاماعاندار, ىشىمدىك ىشكەن سوڭ ماس كۇيىندە قاۋىپتى ايماقتا جۇرگەندەر. تەمىر جول كولىگىمەن باسىپ كەتۋ نەمەسە سوعىپ كەتۋدى بولدىرماۋ ءۇشىن: بىرىنشىدەن, تەمىر جولدىڭ جانىندا شەتكى رەلستەن 5 مەتردەن كەم ەمەس جەرمەن ءجۇرۋ, ەكىنشىدەن, ارنايى جولاۋشى وتەتىن جولدى, كوپىردى نەمەسە تۋننەلدى پايدالانۋ, ۇشىنشىدەن, تەمىر جولدىڭ بويىمەن جۇرمەۋ, تاياپ قالعان پويىزدىڭ الدىن كەسپەۋ, تورتىنشىدەن, تەمىر جول وتكەلدەرى جابىلىپ نەمەسە وتكەل باعدارشامىنىڭ قىزىل ءتۇسى جانىپ تۇرسا, تەمىر جولدى كەسىپ وتپەۋ, باعىتتاما بۇرمالاردىڭ ۇستىمەن جۇرمەۋ, ۆاگوننىڭ نەمەسە اۆتوماتتى قوسقىشتىڭ استىمەن وتپەۋ, بەسىنشىدەن, رەلستىڭ ۇستىندە وتىرماۋ نەمەسە ءمىنىپ تۇرماۋ, التىنشىدان, تەمىر جول بويىنا بوگدە زات تاستاماۋ, لاقتىرماۋ ەرەجەلەرىن قولدانۋ قاجەت.
اقتوبە ستانساسىنىڭ ۇجىمى اقتوبە قالاسىنىڭ تۇرعىندارى مەن قوناقتارىن تەمىر جول اۋماعىندا قاۋىپسىزدىك ەرەجەلەرىن ساقتاۋدى سۇرايدى.
س.ايتجانوۆ,
اقتوبە ستانساسى باستىعىنىڭ مىندەتىن اتقارۋشى