استانادا قاسىم-جومارت توقاەۆتى قولداۋ جونىندەگى حالىقتىق كواليتسياسى ۇيىمداستىرۋ كوميتەتىنىڭ وتىرىسى ءوتتى. جيىندا الداعى سايلاۋ ناۋقانىنا دايىندىقتى ۇيىمداستىرۋ ماسەلەلەرى قارالدى.
قاسىم-جومارت توقاەۆتى قولداۋ جونىندەگى حالىقتىق كواليتسياعا تاعى 15 قوعامدىق ۇيىم قوسىلدى. ولاردىڭ قاتارىندا كاسىپوداقتار فەدەراتسياسى, قازاقستان جازۋشىلار وداعى, «SERPIN» ۇلتتىق ءبىلىم جانە يننوۆاتسيالار پالاتاسى, «Bolashaq» قاۋىمداستىعى, قازاقستاننىڭ ەكولوگيالىق ۇيىمدارىنىڭ قاۋىمداستىعى, قازاقستاننىڭ مۇگەدەكتەر ۇيىمدارىنىڭ وداعى, «ادام قۇقىقتارى حارتياسى» قوعامدىق قورى, تسيفرلىق ترانسفورماتسيا قاۋىمداستىعى, رەسپۋبليكالىق ايەلدەردىڭ كەڭەسى, قازاقستان فۋتبول فەدەراتسياسى, «اكەلەر وداعى», «اسسامبلەيا جاستارى», «حالىقارالىق قۇقىق قورعاۋ ورتالىعى», تاۋ-كەن ءوندىرۋ جانە تاۋ-كەن مەتاللۋرگيا كاسىپورىندارىنىڭ رەسپۋبليكالىق قاۋىمداستىعى, قازاقستاننىڭ «OSHAQ» جەرگىلىكتى قوعامداستىقتارىنىڭ حالىق كونگرەسى بار.
«SERPIN» ۇلتتىق ءبىلىم جانە يننوۆاتسيالار پالاتاسىنىڭ توراعاسى مۇرات ابەنوۆتىڭ ايتۋىنشا, قوعامدىق كۇشتەر كواليتسياعا بىرىككەننىڭ ءوزى سايلاۋدىڭ جاڭا فورماتتا وتەتىنىن ايعاقتايدى. «Bolashaq» قاۋىمداستىعىنىڭ اتقارۋشى ديرەكتورى الىشەر دۇنگەنين: ء«بىز ىشكى جانە سىرتقى ساياساتىمىزدىڭ تۇراقتىلىعى مەن ساباقتاستىعىن كورسەتۋىمىز كەرەك», دەدى.
«مەن 30 جىلدان استام ۋاقىتتان بەرى ادام قۇقىقتارىن قورعاۋمەن اينالىسىپ كەلەمىن. ءبىز كوپشىلىككە ادام قۇقىقتارىن قورعاۋ بويىنشا جۇرگىزىلىپ جاتقان جۇمىستىڭ ماڭىزدىلىعىن بىرلەسىپ ءتۇسىندىرۋ ءۇشىن كواليتسياعا قوسىلامىز», دەدى «ادام قۇقىقتارى حارتياسى» قوعامدىق قورىنىڭ باسشىسى جەمىس تۇرماعامبەتوۆا.
تسيفرلىق ترانسفورماتسيا قاۋىمداستىعىنىڭ وكىلى سەرگەي وستاپيۋكتىڭ پىكىرىنشە, بۇگىندە قازاقستاندا IT نارىق قارقىندى دامىپ كەلەدى. «وسىنى ەسكەرە وتىرىپ, ءبىزدىڭ قاۋىمداستىق بۇگىن حالىقتىق كواليتسياعا كىرەدى», دەدى ول.
جيىندا وڭىرلەردە ۇگىت-ناسيحات ءىس-شارالارىن وتكىزۋ, كانديداتتىڭ بايقاۋشىلارى مەن سەنىمدى تۇلعالارىن وقىتۋ, سايلاۋ ناۋقانىنىڭ قۇقىقتىق اسپەكتىلەرى جانە ت.ب. ماسەلەلەر تالقىلاندى. وتىرىس بارىسىندا قاتىسۋشىلار ۇگىت-ناسيحات ناۋقانىن جۇرگىزۋ ءۇشىن كانديداتتىڭ سايلاۋ قورىنا قاراجات جيناۋعا قاتىستى مالىمدەمە جاسادى. حالىقتىق كواليتسيا مۇشەلەرى سايلاۋ قورىنا قارجىلاي قولداۋدى كانديداتتىڭ جاقتاۋشىلارى تەك ەرىكتى تۇردە جاسايتىنىن العا تارتتى. وسىعان بايلانىستى ماجبۇرلەپ اقشا اۋدارتۋ تۋرالى تاراعان اقپارات ارانداتۋ بولىپ تابىلادى. حالىقتىق كواليتسيا مۇنداي ارەكەتتەردى قاتاڭ ايىپتايدى جانە ءتيىستى وتىنىشپەن قۇقىق قورعاۋ ورگاندارىنا جۇگىنەدى.