سارسەنبى كۇنى كەشكە پاكىستاننىڭ وڭتۇستىگىندەگى سيند پروۆينتسياسىندا جولاۋشىلار اۆتوبۋسى ورتەنىپ, كەم دەگەندە 18 ادام قازا تاپتى, 28 ادام جاراقات الدى, دەپ حابارلايدى Egemen.kz سينحۋا اگەنتتىگىنە سىلتەمە جاساپ.
جەرگىلىكتى پوليتسيا باستىعىنىڭ ورىنباسارى ۆادجيد ءتاحيمنىڭ ايتۋىنشا, وقيعا دجامشورو اۋدانىنداعى نۋرياباد قالاسىنا جاقىن جەردە بولعان. اپاتتىق اۆتوبۋس كاراچي پورتىنان دادۋ اۋدانىنداعى حايرپۋر ناتان شاحقا بارا جاتقان.
باستاپقى تەكسەرۋلەر ءورتتىڭ سالقىنداتۋ جۇيەسىندەگى اقاۋدان شىققانىن كورسەتتى. وقيعا ورنىنا شۇعىل جەتكەن پوليتسەيلەر, قۇتقارۋشىلار مەن ءورت سوندىرۋشىلەر ءورتتى ءسوندىردى, زارداپ شەككەندەر اۋرۋحاناعا جەتكىزىلدى.
اۆتوبۋس سالونىندا ءبىر اۋىلدان كەلگەن 55 جولاۋشى بولعان. ۆادجيد تاحيم قازا تاپقاندار اراسىندا سەگىز بالانىڭ بار ەكەنىن اتاپ ءوتتى. اۋرۋحانا قىزمەتكەرلەرى قازا تاپقاندار سانى ارتۋى مۇمكىن دەپ قاۋىپتەنىپ وتىر. سەبەبى زارداپ شەككەندەردىڭ بىرنەشەۋى اۋىر كۇيىك العان.