قازاقستان پرەزيدەنتى قاسىم-جومارت توقاەۆ قحر توراعاسىنىڭ ورىنباسارى ۆان تسيشانمەن كەزدەستى, دەپ حابارلايدى Egemen.kz.
قحر توراعاسىنىڭ ورىنباسارى ۆان تسيشانمەن اڭگىمەلەسۋ بارىسىندا مەملەكەت باسشىسى قىتايدىڭ اوسشك سامميتىنە وسىنداي جوعارى دەڭگەيدە قاتىسۋى ءبىزدىڭ وراسان زور كونتينەنتتە بەيبىتشىلىكتى, تۇراقتىلىق پەن قاۋىپسىزدىكتى ساقتاۋ جولىنداعى ءوزارا سەنىمگە نەگىزدەلگەن سەرىكتەستىكتى نىعايتۋعا ەلەۋلى ۇلەس قوساتىنىن اتاپ ءوتتى.
قاسىم-جومارت توقاەۆ كەڭەستى تولىققاندى حالىقارالىق ۇيىمعا اينالدىرۋ جونىندەگى قازاقستاننىڭ باستاماسىن قولداعانى ءۇشىن قىتاي تاراپىنا ريزاشىلىعىن ءبىلدىردى. كەزدەسۋدە توراعا سي ءتسزينپيننىڭ وتكەن ايدا قازاقستانعا جاساعان مەملەكەتتىك ساپارىنىڭ قورىتىندىسى بويىنشا قول جەتكىزىلگەن ۋاعدالاستىقتاردىڭ جۇزەگە اسىرىلۋ بارىسى تالقىلاندى.
ءوز كەزەگىندە ۆان تسيشان قاسىم-جومارت توقاەۆقا قحر توراعاسى سي ءتسزينپيننىڭ سالەمىن جەتكىزدى جانە قىتاي مەن قازاقستاننىڭ ساۋدا-ەكونوميكالىق, ينۆەستيتسيالىق, كولىك-لوگيستيكالىق, مادەني-گۋمانيتارلىق سالالارداعى, ونەركاسىپ كووپەراتسياسى مەن تسيفرلاندىرۋ باعىتىنداعى ەكىجاقتى قاتىناستارى قارقىندى دامىپ كەلە جاتقانىن اتاپ ءوتتى.
ۆان تسيشان ەكى ەل اراسىنداعى قارىم-قاتىناس ماڭگىلىك دوستىق پەن ءوزارا سەنىم رۋحىندا دامىپ كەلە جاتقانىن ايتتى. قىتاي دەلەگاتسياسى باسشىسىنىڭ ايتۋىنشا, سي ءتسزينپيننىڭ قازاقستانعا ساپارى بارىسىندا قول جەتكىزىلگەن ۋاعدالاستىقتار ءساتتى جۇزەگە اسىپ كەلەدى. سونىمەن قاتار ولار وڭىرلىك جانە جاھاندىق كۇن تارتىبىندەگى وزەكتى ماسەلەلەر جونىندە پىكىر الماستى.