قىزىلوردادا ترانسۇلتتىق قىلمىستىق توپ مۇشەلەرىنە قاتىستى سوت ۇكىمى شىقتى, دەپ حابارلايدى Egemen.kz.
قىزىلوردا قالاسىندا جالعان اقشا قاراجاتىنىڭ زاڭسىز اينالىمىنا قاتىسى بار ترانسۇلتتىق قىلمىستىق توپتىڭ قاتىسۋشىلارىنا قاتىستى ءىس قارالدى.
قازاقستان, ازەربايجان جانە گرۋزيا ازاماتتارىنان قۇرالعان توپ مۇشەلەرى ۇقك مەن پروكۋراتۋرا ورگاندارىنىڭ قىزىلوردا, الماتى جانە وسكەمەن قالالارىنداعى بىرلەسكەن ارنايى وپەراتسياسى بارىسىندا ۇستالدى.
تەرگەۋ بارىسىندا ولاردىڭ قازاقستان اۋماعىندا جوعارى ساپاسىمەن ەرەكشەلەنەتىن اسا ءىرى كولەمدە جالعان اقش دوللارى مەن ەۋرونى جەتكىزۋگە جانە وتكىزۋگە قاتىسقانى دالەلدەندى.
ۆاليۋتا قازاقستانعا تۇركيادان پوشتا جونەلتىلىمدەرىندە كامۋفلياجدالعان تۇردە جەتكىزىلدى.
سوت شەشىمىمەن توپتىڭ كوشباسشىسى مەن مۇشەلەرى ترانسۇلتتىق ۇيىمداسقان قىلمىستىق توپتى قۇرۋعا جانە وعان قاتىسۋعا, سونداي-اق جالعان اقشا قاراجاتىن ساتۋعا قاتىسقاندارى ءۇشىن كىنالى دەپ تانىلدى.
ايىپتالۋشىلار 9 جىلدان 17 جىلعا دەيىن باس بوستاندىعىنان ايىرۋ جازاسىن وتەۋدىڭ ۇزاق مەرزىمىنە سوتتالدى.