كىتاپسۇيەر كىشكەنتايلار

مادەني شارانىڭ ماقساتى – حالىق اراسىندا كىتاپ وقۋ مادەنيەتىن قالىپتاستىرىپ, جاس ۇرپاقتىڭ رۋحاني قازىناسىن مولايتىپ, قازىرگى اقىن-جازۋشىلاردىڭ جاڭا شىعارمالارىن ناسيحاتتاۋدى كوزدەگەن.

بۇل كۇنى كىتاپحانا ەسىگى قالا تۇرعىندارى مەن وقىرماندارىنا ايقارا اشىلىپ, ءتۇننىڭ ءبىر ۋاعىنا دەيىن قىزمەت كورسەتتى. ءىس-شارانىڭ مازمۇندى وتۋىنە ەلىمىزدەگى ءۇندىستان, تۇركيا, پولشا, ارمەنيا ەلشىلىكتەرى دە بەلسەندى اتسالىسىپ, ولار كىتاپ كورمەسىن ۇيىمداستىرىپ, كونتسەرتتىك باعدارلاما ۇسىندى. ەلورداداعى «ورىس ءۇيىنىڭ» جەتەكشىسى ولگا فيلونوۆا «استانا – بەيبىتشىلىك بەسىگى» اتتى اشىق ديكتانتقا قاتىسقان كىتاپحانا وقىرماندارىن ماراپاتتاپ, اتالعان كىتاپحانالار جۇيەسىنە جاڭا كىتاپتاردى سىيعا تارتتى.

سونداي-اق ءىس-شارا اياسىندا تولىمبەك ءابدىرايىم مەن سەرىكبول حاسان سەكىلدى بالا­لار جازۋشىلارىمەن كەزدەسۋ ۇيىم­داس­تىرىلىپ, ولار بالالارعا ءوز شىعار­ماشىلىقتارى مەن كەيىنگى شىققان كىتاپتارى تۋرالى ايتىپ بەردى. ال «قاراشاڭىراق» ۇلتتىق تاربيە بەرۋ مەكتەبىنىڭ جەتەكشىسى تۇرار ساتتارقىزى جاس وقىرماندار مەن قو­ناقتارعا ۇلتتىق تاربيە تۋرالى تاعى­لىمدى وي تولعاسا, «مەنىڭ قا­لاۋىم­داعى كىتاپتار» اتتى BookDating الاڭى­نىڭ سپيكەرلەرى تەلەجۇرگىزۋشى ايگەرىم ەسەن­الى, تاريحشى جاقسىلىق ءسابيتوۆ جانە جۋر­ناليست رۋسلان ىدىرىسوۆ وزدەرىنىڭ ءومىر جولىنا ەرەكشە اسەر ەتكەن ءۇش كىتاپ جايىندا اڭگىمەلەدى. «اۆانگارد» پوەزيا كلۋبىنىڭ جەتەكشىسى, اقىن دينا وراز ولەڭ جازۋعا قۇ­مارتقان بالالارعا شەبەرلىك ساباعىن وت­كىزسە, قۇممەن سۋرەت سالۋ ۇيىرمەسىنىڭ جەتەك­شىسى ايجان جاركەشقىزى وسى ونەردىڭ قىر-سىرىن ۇيرەتتى.

سونىمەن قاتار ەركەعالي راحماديەۆ اتىن­داعى مەملەكەتتىك اكادەميالىق في­لار­مونياسى مەن «ناز» مەملەكەتتىك بي تەاترى­نىڭ ونەرپازدارى مادەني كەشتىڭ كو­رى­گىن قىزدىرسا, ەلوردالىق قۋىرشاق تەاترى­­نىڭ ارتىستەرى بالالارعا قىزىقتى ويىن­دار ويناتىپ, ءتاتتى سىيلىقتار تارتۋ ەتتى. «زامانداس 21» قوعامدىق قورى مۇشە­لەرى ۇلتتىق ناقىشتا جاساعان قول ونەر بۇيىم­دارى جارمەڭكەسىن ۇيىم­داس­تىردى.

ءبىر سوزبەن ايتقاندا, «اي ساۋلەسىمەن كىتاپ وقيىق» اتتى كىتاپحانا تۇنىنە ارنال­عان ءىس-شارا وقىرماندارعا جىلى اسەر قال­دىردى.