قۇتقارۋشىلار سۋعا باتىپ كەتكەن ەكىنشى ءۇندى ازاماتىنىڭ دەنەسىن ىزدەستىرىپ جاتىر, دەپ حابارلايدى Egemen.kz.
«رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى سۋعا باتقان ەكى ستۋدەنتتىڭ ءبىرىنىڭ دەنەسىن تاپتى. ەكىنشى جاس جىگىتتى ىزدەۋگە وتريادتىڭ 5 قۇتقارۋشىسى, ءبىر ءجۇزۋ قۇرالى, تۇركىستان وبلىسى تجد 7 قۇتقارۋشىسى جۇمىلدىرىلدى», دەپ حابارلادى وبلىستىڭ توتەنشە جاعدايلار دەپارتامەنتىنىڭ ءباسپاسوز قىزمەتى.
ەسكە سالا كەتسەك, 26 ماۋسىمدا ساعات 20:10-دا تۇركىستان وبلىسى تجد كەزەكشى-ديسپەتچەرلىك قىزمەتىنىڭ پۋلتىنە 2001 جىلى تۋعان 2 ستۋدەنت تولەبي اۋدانى حانارىق اۋىلىنان 5 شاقىرىم جەردە, اقسۋ وزەنىندە بەلگىسىز جاعدايلاردا سۋعا باتىپ كەتكەنى تۋرالى اقپارات كەلىپ ءتۇستى. 21 ستۋدەنتتەن تۇراتىن توپ شىمكەنتتەن كەلگەن. ولاردىڭ بارلىعى وڭتۇستىك قازاقستان مەديتسينا اكادەمياسىندا وقيتىن ءۇندىستان ازاماتتارى.