تابيعاتتى ايالاۋ

ماناش قوزىباەۆ اتىنداعى سولتۇستىك قازاقستان ۋنيۆەرسيتەتىنىڭ ستۋ­دەنت جاستارى قولدارىنا سىپىرعى, ايىر-كۇرەكتەرىن الىپ, قالا حالقى كوپ جينالاتىن قوعامدىق ورىنداردى – الاڭداردى, كوشە قيىلىستارىن, ماعجاننىڭ ەسكەرتكىشىنىڭ ماڭايىن, ابىلايدىڭ اق ءۇيىنىڭ ماڭىن سىپىرىپ, قوقىستان تازالاۋعا كىرىستى.

توپ باستاۋشى بەكزات لاتىپوۆانىڭ ايتۋىنا قاراعاندا, بۇل ءىس-شارا جاس­تار­دىڭ ساناسىنا ءوزى جۇرگەن جەردە تا­زالىق ساقتاۋدى سىڭىرەتىن جانە سول ءۇشىن كۇرەسۋگە بەيىمدەيتىن اكتسيا. ء«بىز قالامىزدىڭ, اۋلامىزدىڭ, كوشەمىزدىڭ تازالىعىنا, ونىڭ جايقالىپ, جار­قىراپ تۇرۋىنا كوڭىل ءبولۋىمىز كەرەك. تازالىقتى, ءتارتىپتى وزىمىزدەن باستا­عا­نىمىز دۇرىس. تابيعاتتى ايالاۋدى ءاربىر ازامات ويلاسا, قالامىز دا تازا بولادى», دەيدى ب.لاتىپوۆا. اتا-بابامىز «اقىل – جاستان, اسىل – تاستان» دەگەندى تەگىن ايتپاعان عوي, جاقسى باستامانىڭ قاسىندا قاشاندا جاستار جۇرەدى. سولاردىڭ ىنتا-جىگەرى, با­تىلدىقتارى مەن بەلسەندىلىكتەرى جاق­سىلىققا باس­تايدى. ەل بولىپ قول­داپ جاتقان بۇل يگى ءىستى دە سونىڭ ءبىرى دەۋگە بولادى.

قوقىسقا تولىپ قالعان سكۆەرلەر, الاڭدار, كوشە قيىلىستارى, ەسكەرتكىشتەردىڭ الدى ءبىر تازارىپ قالدى. جاستار ۋلاپ-شۋلاپ اندەتىپ, ازىل­دەسىپ, ءجۇرىپ-اق اينالانىڭ ءبارىن تازالاپ, جايناتىپ كەتتى. ءوتىپ جات­قان قالا تۇرعىندارى ولاردىڭ يگى ىسىنە سۇيسىنە قاراپ, ال­عىس­تارىن ايتىپ جاتتى. كەي­بىرى «بۇگىن سەنبىلىك پە ەدى» دەپ تا­ڭىرقاپ تا جاتىر. ولارعا جاستار كۇلە قاراپ, «جوق بۇگىن سەنبىلىك ەمەس, جۇمالىق» دەپ ك ۇلىسىپ قويادى. شىنىندا چەللەندجدىڭ قىزىلجاردا جالعاسۋى وتكەن بەيسەنبىگە كەلگەن ەدى. جەرگىلىكتى ءباسپاسوز جاستاردىڭ باستاماسىن وبلىستىڭ بارلىق تۇك­پىرىنە تاراتىپ, جاقسى ىستەن ۇلگى الۋعا شاقى­رىپ جاتتى.

پەتروپاۆل