پارتيالىق ەمەس بايقاۋ ورتالىعىنىڭ رەسپۋبليكالىق شتابىنىڭ توراعاسى تولەگەن قۇنادىلوۆ الماتى وبلىسى بويىنشا فيليالدىڭ وڭىرلىك ۇيلەستىرۋشىلەرىمەن جانە ءوڭىردىڭ ازاماتتىق سەكتورىنىڭ وكىلدەرىمەن كەزدەستى. كەزدەسۋ بارىسىندا شتاب توراعاسى ورتالىقتىڭ جانە ونىڭ وڭىرلىك وكىلدىكتەرىنىڭ الداعى پرەزيدەنت سايلاۋىنداعى, ەڭ الدىمەن, قازاقستاندىقتاردىڭ سايلاۋ قۇقىقتارىن ساقتاۋعا باعىتتالعان باستى مىندەتىن اتاپ ءوتتى.
تولەگەن كۇنادىلوۆ بايقاۋشىلاردى دايارلاۋ جونىندەگى جۇمىسى تۋرالى ايتا كەلە, سايلاۋالدى كەزەڭ ىشىندە سايلاۋ زاڭناماسىنىڭ ساقتالۋىنا ءتيىمدى مونيتورينگ جۇرگىزۋدىڭ ماڭىزدىلىعىن اتاپ ءوتتى. ول ورتالىقتىڭ ايماقتىق ۇيلەستىرۋشىلەرى مەن ۇەۇ سەرىكتەستەرىن بايقاۋشىلاردى دايارلاۋ جانە پراكتيكالىق تاجىريبە الماسۋ ماسەلەلەرىندە ىنتىماقتاستىققا شاقىردى.
كەزدەسۋگە قاتىسۋشىلار بىرىڭعاي ماقسات – ءادىل داۋىس بەرۋ, زاڭنىڭ ساقتالۋى, سايلاۋدىڭ ادالدىعى مەن اشىقتىعى ەكەنىن اتاپ ءوتتى.
قاراساي اۋدانىنىڭ «جەلتوقسان اقيقاتى» قب باسشىسى ساكەن شايمولداەۆ ۇسىنىلعان باستامالارعا قولداۋ ءبىلدىرىپ, تىعىز ىنتىماقتاستىق قوعامدىق بايقاۋشىلاردى دايارلاۋ ساپاسىن ارتتىرۋعا مۇمكىندىك بەرەتىنىن اتاپ ءوتتى. ءوز كەزەگىندە «اۋعانستانداعى سوعىس ارداگەرلەرى وداعى» قب باسشىسى قانات مولدابەرگەنوۆ بىرلەسكەن ديالوگقا قىزىعۋشىلىق تانىتتى.
«تاجىك-اۋعان شەكاراسىنداعى ۇرىس قيمىلدارى مەن اسكەري قاقتىعىستارعا قاتىسۋشىلار» قب الماتى وبلىسى جانە قوناەۆ قالاسى بويىنشا فيليالىنىڭ باسشىسى سەرىك سارسەمباەۆ بايقاۋشىلاردى دايارلاۋدا پارتيالىق ەمەس بايقاۋ ورتالىعىمەن جانە باسقا دا ۇەۇ-مەن ءوزارا تاجىريبە الماسۋدىڭ تيىمدىلىگىن اتاپ ءوتتى.
پارتيالىق ەمەس بايقاۋ ورتالىعى شتابىنىڭ توراعاسى تولەگەن كۇنادىلوۆ قوناەۆ قالاسىندا الماتى وبلىسىنىڭ اۋداندىق ۇيلەستىرۋشىلەرىن «داۋىس بەرۋ بارىسىن باقىلاۋ: تەوريا جانە پراكتيكا», «سايلاۋ پروتسەسىنە قاتىسۋشىلاردىڭ قۇقىقتارى مەن مىندەتتەرى» تاقىرىپتارىندا وقىتۋ وتكىزدى.
وقىتۋ ءتيىمدى ءوتتى, ونىڭ ىشىندە سۇراق-جاۋاپ فورماتىندا, سونداي-اق پراكتيكالىق مىسالداردى تالداۋدا قاتىسۋشىلار بەلسەندىلىك تانىتتى. جالپى, ترەنينگتە سايلاۋ پروتسەسىنىڭ قۇقىقتىق اسپەكتىلەرى, رەفەرەندۋم مەن پرەزيدەنت سايلاۋى كەزەڭىندەگى سايلاۋدىڭ ۇقساستىعى مەن ايىرماشىلىعى تۋرالى تۇسىنىكتەر بەرىلدى. جەرگىلىكتى جەرلەردە ستاتسيونارلىق جانە ءموبيلدى بايقاۋشىلاردى وقىتۋعا ەرەكشە نازار اۋدارىلدى, بۇل ءۇشىن اۋداندىق ۇيلەستىرۋشىلەر قاجەتتى ادىستەمەلىك كورنەكى ماتەريالدار جانە ازىرلەمەلەرمەن قامتاماسىز ەتىلدى.
وقىتۋدىڭ نەگىزگى تاقىرىبى تاڭدالعان پروتسەستىڭ تۇراقتىلىعى مەن ادىلدىگى, بايقاۋشىلاردىڭ قىزمەتىن باقىلاۋ جانە ۇيلەستىرۋ قۇرالدارى ارقىلى زاڭدىلىقتى ساقتاۋ بولدى.