«Talqylau» تاقىرىبى – حالىقتىق كواليتسيا

پارتيا حاتشىسى داۋلەت كارى­بەك حالىقتىق كواليتسيانىڭ قۇ­رىلۋى ەلىمىزدە جاڭا ساياسي مادە­نيەتتىڭ قالىپتاسقانىن بىلدى­رە­تىنىن اتاپ ءوتتى. «بۇل – ەلدەگى بىرلىكتىڭ كورىنىسى», دەدى ول. «قا­سىم-جومارت كەمەل ۇلى توقاەۆ­تىڭ قوعامدىق-ساياسي كۇشتەردىڭ كەڭ حالىقتىق كواليتسياسىنان پرە­زي­دەنتتىككە كانديدات رەتىندە ۇسىنىلۋى – مەملەكەت باسشى­سى­ن­ىڭ جانە ونىڭ جۇرگىزىپ جات­قان اۋقىمدى الەۋمەتتىك-ساياسي رەفور­مالار باعىتىنىڭ حالىق تارا­پىنان كەڭ قولداۋعا يە ەكەندىگىنىڭ بىردەن-ءبىر دالەلى», دەدى داۋلەت كارىبەك.

جيىندا ءسوز العان ءماجىلىس دەپۋتاتى ايدوس سارىم ءار پار­تيانىڭ ءوز كوشباسشىلارى بار ەكەنىن, بىراق بۇل جەردە مەم­لە­كەتشىلدىك, ۇلتتىق تۇرعىداعى ماسەلە تۇرعانىن اتاپ ءوتتى. «باستى ماقسات – ەلدە جاسالىپ جاتقان رەفورمالاردى سوڭىنا دەيىن جەتكىزۋ, ولاردىڭ مىزعىماستىعىن قامتاماسىز ەتۋ. بۇل ءىستى سوڭىنا دەيىن ەڭ ۇزدىك, ەڭ دۇرىس جولمەن جەتكىزەتىن قازىرگى پرەزيدەنت. ەكىنشىدەن, الەمدەگى گەوساياسي جاعداي ۋشىعىپ بارا جاتىر. وسىنداي ۋاقىتتا قاسىم-جومارت توقاەۆتان ارتىق ديپلومات, قاي­راتكەر تۇلعا جوق. سوندىقتان وسى جاعداياتتاردىڭ بارلىعىن ەسكەرە وتىرىپ, ءۇش پارتيا دا ەل مۇددەسى جولىندا ۇلكەن مەملەكەتشىلدىك تانىتىپ, باسقا دا 20-دان استام قوعامدىق ۇيىممەن بىرىگىپ, توقاەۆ­تىڭ كانديداتۋراسىن ۇسى­نىپ وتىر. مەنىڭشە, بۇل زاڭدى قۇبىلىس», دەدى ول.

ساياساتتانۋشى, «اق جول» پار­تياسىنىڭ مۇشەسى ءبورىحان نۇر­مۇ­حامەدوۆتىڭ ايتۋىنشا, ەڭ باستىسى – سايلاۋ اشىق بولۋى كەرەك. سپيكەر كانديداتتاردىڭ الدىڭعى سايلاۋالدى باعدارلامالارىنىڭ قانشالىقتى ورىندالعانىن ءتۇسىنۋ ماڭىزدى ەكەنىن اتاپ ءوتتى.

ماجىلىسكە «Amanat» پارتيا­سىنان سايلانعان دەپۋتات جۇل­دىز سۇلەيمەنوۆانىڭ ايتۋىنشا, حالىقتىڭ كواليتسيا – مەملەكەتتىڭ باسىنا كۇن تۋعان جاعدايدا بىرىگە الاتىنىمىزدىڭ ناقتى كورىنىسى.

قولدانبالى ەتنوساياسي زەرت­تەۋلەر ينستيتۋتىنىڭ ديرەكتورى تالعات قاليەۆ باسقوسۋ كەزىندە بۇگىن­گى تاڭدا قاسىم-جومارت توقاەۆ­­تىڭ جەكە رەيتينگى كەز كەل­گەن قو­عامدىق ۇيىمنىڭ رەيتين­گى­نەن اسىپ تۇسەتىنىن ايتتى.

«ەكىنشى جاعىنان, پرەزي­دەنت­تىڭ بارلىق ساياسي پارتيالاردان تەڭ اراقاشىقتىقتى ۇستانۋ – بۇل ساياسي كۇشتەر ءۇشىن جاڭا سى­ناق. سايلاۋدان كەيىن پارتيالار باسەكەگە قابىلەتتى ورتادا جۇمىس ىستەۋگە, سايلاۋشىلارمەن قارىم-قاتىناستى رەتتەۋگە ءماجبۇر بو­لادى. پارتيالار جۇيەلى وزگە­رىس­تەرمەن اينالىسىپ, ەل بولاشاعىن قا­لىپتاستىرۋعا بەلسەندى ارا­لاسۋى كەرەك», دەدى تالعات قاليەۆ.

ل.ن.گۋميلەۆ اتىنداعى ەۇۋ پرو­رەكتورى جاننا قۇرمان­عاليەۆا قاسىم-جومارت توقاەۆ­­تىڭ سايلاۋعا حالىقتىڭ كوالي­تسيا­نىڭ اتىنان ءتۇسۋى قيسىندى ەكەنىن اتاپ ءوتتى. «كەز كەلگەن بيلىك­تىڭ ماڭىزدى فۋنكتسياسى – قۇن­دى­لىقتاردى دامىتۋ, ناسيحاتتاۋ عانا ەمەس, ەڭ الدىمەن ولاردى ۇستانۋ. پرەزيدەنتتىڭ بارلىق پارتيادان بىردەي اراقاشىقتىقتا بولۋ تۋ­را­لى شەشىمى بيلىكتىڭ نەگىزگى قۇن­­دى­لىقتاردى ۇستاناتىنىن كور­­سەتەدى. بۇل بۇكىل قوعام ءۇشىن ما­­ڭىزدى. جالپى, ءبىز جاڭا ساياسي جۇيەنىڭ پايدا بولعانىنا كۋا بولىپ وتىرمىز», دەدى ول.

ديالوگ الاڭنىڭ مودەراتورى, «Amanat» پارتياسى ساياسي كەڭە­سى­نىڭ مۇشەسى, بەلگىلى تەلە­جۇ­ر­گىزۋشى ماقسات تولىقباي بولدى.

ەسكە سالا كەتەيىك, استانادا قاسىم-جومارت توقاەۆتى قول­داۋ جونىندەگى حالىقتىق كوالي­تسيا­نىڭ فورۋمى ءوتتى. فورۋمعا «Amanat», «اق جول», قازاقستان حا­لىق پارتياسى سەكىلدى ساياسي پار­­تيالاردىڭ جانە 20-دان استام رەسپۋبليكالىق قو­عامدىق بىر­لەس­تىكتىڭ ەكى مىڭنان استام وكىلى قاتىستى.