ەستونيالىق ءمۇسىنشى ماتتي ۆاريك جاساعان ۆلاديمير لەنيننىڭ ءبيۋستى بۇگىن فينليانديانىڭ كوتكا قالاسىنىڭ ورتالىعىنان الىنىپ تاستالدى, دەپ حابارلايدى Egemen.kz ukrinform.ru سايتىنا سىلتەمە جاساپ.
قالا قۇرىلىسى باسقارماسىنىڭ باسشىسى مارككۋ حاننونەن ەسكەرتكىشتى جىلجىتۋ وتە كۇردەلى تەحنيكالىق وپەراتسيا اياسىندا جۇزەگە اسقانىن مالىمدەدى. ونىڭ ايتۋىنشا, بيۋست جۇك كولىگىنىڭ پلاتفورماسىنا كوتەرۋ قۇرىلعىسىنىڭ كومەگىمەن ورنالاستىرىلعان. بۇل ءمۇسىن ەندى كيمەنلااكسو مۇراجايىندا ساقتالادى.
ايتا كەتەيىك, لەنيننىڭ ءمۇسىنىن 1979 جىلى قالاعا سول كەزدەگى كەڭەس وداعىنىڭ قۇرامىندا بولعان تاللين سىيعا تارتقان. كوتكاداعى ءمۇسىن فينلياندياداعى كەڭەستىك ساياساتكەردىڭ سوڭعى ەڭ ءىرى ەسكەرتكىشتەردىڭ ءبىرى بولعان.
سونداي-اق فين قالالارىنىڭ كوشەلەرىندە لەنينگە ارنالعان مەموريالدىق تاقتالار مەن رەلەفتەر ءالى دە بار.