شۆەد پالەوگەنەتيگى سۆانتە پياەبو فيزيولوگيا جانە مەديتسينا بويىنشا نوبەل سىيلىعىنىڭ لاۋرەاتى اتاندى. نوبەل كوميتەتى وعان «جويىلىپ كەتكەن گومينيندەردىڭ گەنومدارى مەن ادام ەۆوليۋتسياسىنا قاتىستى جاڭالىقتارى» ءۇشىن سىيلىق بەردى, دەپ حابارلايدى Egemen.kz Euronews-كە سىلتەمە جاساپ.
كوميتەتتىڭ مالىمدەمەسىنە قاراعاندا, سۆانتە پياەبو ءوزىنىڭ زەرتتەۋلەرىندە قازىرگى ادامنىڭ جويىلىپ كەتكەن تۋىسى نەاندەرتال گەنومىن رەتكە كەلتىرگەن.
نەاندەرتال ادامىنىڭ دنق تىزبەگىن اشقان عالىم التايداعى دەنيسوۆ ۇڭگىرىنەن الىنعان قازبا بۇرىن بەلگىسىز گومينيد تۇرلەرىنە جاتاتىندىعىن دالەلدەدى. وسىلايشا دەنيسوۆ گومينيدى تۋرالى العاشقى دەرەكتەر جارىق كوردى.
عالىم سونىمەن قاتار نەاندەرتالدىقتار مەن دەنيسوۆاندىقتاردىڭ گەندەرى قازىرگى ادامعا بەرىلگەنىن دالەلدەدى. بۇل شامامەن 70 مىڭ جىل بۇرىن, Homo sapiens افريكادان قونىس اۋدارعاننان كەيىن بولدى.
سونداي-اق وسى اپتادا فيزيكا, حيميا, ادەبيەت سىيلىقتارىنىڭ لاۋرەاتتارى بەلگىلى بولادى.