اتىراۋ وبلىسىنداعى تاس جولدىڭ بىرىندە جول اپاتىنان ءبىر ادام قازا تاۋىپ, بەس ادام زارداپ شەكتى, دەپ حابارلايدى Egemen.kz.
اتىراۋ وبلىسى ءىىد ءباسپاسوز قىزمەتى حابارلاعانداي, قايعىلى وقيعا رەسپۋبليكالىق ماڭىزى بار اقتوبە-اتىراۋ-استراحان تاس جولىنىڭ 548-شاقىرىمىندا بولعان.
«فورد ترانزيت» كولىگىنىڭ 1956 جىلى تۋعان جۇرگىزۋشىسى رۋلگە يە بولا الماي, قارسى باعىتتا كەلە جاتقان «ۋرال» جانە «لادا» كولىكتەرىمەن سوقتىعىسقان. وقيعا سالدارىنان «فورد ترانزيت» كولىگىنىڭ 1967 جىلى تۋعان جولاۋشىسى وقيعا ورنىندا كوز جۇمدى, 5 ادام ءتۇرلى دەنە جاراقاتتارىمەن وبلىستىق اۋرۋحاناعا جەتكىزىلدى.