«ونەركاسىپتى دامىتۋ قورى» اق يندۋستريا جانە ينفراقۇرىلىمدىق دامۋ مينيسترلىگىنىڭ قولداۋىمەن شاعىن جانە ورتا بيزنەس سۋبەكتىلەرى ءۇشىن وڭدەۋ ونەركاسىبى جوبالارىن قارجىلاندىرۋ باعدارلاماسىن ىسكە قوسپاق. باعدارلاما قازاقستان رەسپۋبليكاسىن يندۋستريالىق-يننوۆاتسيالىق دامىتۋدىڭ 2020-2025 جىلدارعا ارنالعان تۇجىرىمداماسى شەڭبەرىندە شوب سۋبەكتىلەرىن قولجەتىمدى قارجىلاندىرۋدى قامتاماسىز ەتۋ ارقىلى ينۆەستيتسيالىق جوبالاردى ىسكە اسىرۋعا باعىتتالعان.
باعدارلاما بويىنشا قارجىلاندىرۋدىڭ جالپى كولەمى 50 ملرد تەڭگەنى قۇرايدى. باعدارلامانىڭ نەگىزگى شارتتارى: قارجىلاندىرۋ مەرزىمى – 10 جىلعا دەيىن; سىياقى مولشەرلەمەسى – جىلدىق 3 پايىز; قارجىلاندىرۋ سوماسى – 80 ملن تەڭگەدەن 3 ملرد تەڭگەگە دەيىن; جوبا باستاماشىسىنىڭ جەكە قاتىسۋى – جوبا قۇنىنىڭ كەمىندە 15 پايىزى.
«وڭدەۋشى ونەركاسىپتىڭ وتاندىق كاسىپورىندارىنا ليزينگ جانە كرەديت بەرۋ قۇرالدارى ارقىلى قارجىلاندىرۋ ۇسىنىلادى. بۇل رەتتە كرەديت سوماسى ليزينگ سوماسىنان اسپاۋعا ءتيىس. جوبالاردى قاراۋ كەزىندە نەگىزگى نازار يمپورتتى الماستىرۋعا جانە ەكسپورتقا باعدارلانۋعا, ياعني ونىمدەرى ىشكى نارىقتىڭ سۇرانىسىن جاباتىن جانە ەلدىڭ ەكسپورتتىق الەۋەتىن وسىرۋگە مۇمكىندىك بەرەتىن كاسىپورىنداردى قولداۋعا باعىتتالادى», دەلىنگەن قور حابارلاماسىندا.
وڭدەۋشى ونەركاسىپ جوبالارىن قارجىلاندىرۋ باعدارلاماسىن ىسكە اسىرۋ وڭدەۋشى ونەركاسىپتىڭ شاعىن جانە ورتا كاسىپورىندارىنىڭ نەگىزگى قۇرالدارىن جاڭارتۋعا, جاڭا جۇمىس ورىندارىن قۇرۋعا جانە جۇمىس ىستەپ تۇرعان جۇمىس ورىندارىن ساقتاۋعا مۇمكىندىك بەرەدى, سونداي-اق بيۋدجەتكە سالىق تۇسىمدەرىن قامتاماسىز ەتەدى.
باعدارلاما بويىنشا جانە قارجىلاندىرۋ الۋعا وتىنىمدەر جاساۋ ماسەلەلەرى بويىنشا تولىق اقپاراتتى «ونەركاسىپتى دامىتۋ قورى» اق-دان مىنا تەلەفوندار ارقىلى الۋعا بولادى: 8 (7172) 79-63-15, 8 (7172) 79-63-11.