1 جانە 2 قازاندا ەلوردادا كەزەكتى اۋىل شارۋاشىلىعى جارمەڭكەسى وتەدى. بۇل جولى استانادا شىعىس قازاقستان جانە اباي وبلىستارىنىڭ تاۋار وندىرۋشىلەرى ءوز ونىمدەرىن ۇسىنادى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
ەكى وبلىستىڭ اۋىل شارۋاشىلىعى تاۋار وندىرۋشىلەرى مەن قايتا وڭدەۋ كاسىپورىندارى ەلوردا تۇرعىندارى مەن قوناقتارىنا جوعارى ساپالى ەكولوگيالىق تازا ونىمدەر ۇسىناتىن بولادى. ءونىم اسسورتيمەنتى جالپى كولەمى 282 توننانى قۇرايتىن 70-تەن استام اتاۋدى قۇرايدى.
ونىڭ ىشىندە: 91 توننا كارتوپ پەن كوكونىس, 59,9 توننا بال, 48,8 توننا ەت, 17 توننا كۇنباعىس مايى, 13 توننا باقشا داقىلدارى, 8 توننا ءسۇت ونىمدەرى, 7,5 توننا بالىق ونىمدەرى, 5 توننا قۇس ەتى, 5 توننادان استام قىمىز جانە پانتى ونىمدەرى, 4 توننا ۇلتتىق تاعامدار جانە 3 توننا شۇجىق ونىمدەرى.
بارلىق ونىمدەر سانيتارلىق-ەپيدەميولوگيالىق تالاپتارعا سايكەس كەلەدى جانە ساتۋشىلاردا ونىمدەردىڭ شىعۋ تەگىن, ساپاسى مەن قاۋىپسىزدىگىن راستايتىن قۇجاتتار بولادى.
سونداي-اق, ەلوردا تۇرعىندارى مەن قوناقتارى ءۇشىن كونتسەرتتىك باعدارلاما دايىندالدى.
ەستەرىڭىزگە سالا كەتەيىك, اتالعان جارمەڭكە اۋىلشارۋاشىلىعى وندىرۋشىلەرىنە ءوز ونىمدەرىن تىكەلەي تۇتىنۋشىلارعا دەلدالسىز ساتۋعا مۇمكىندىك بەرەدى, سونىڭ ناتيجەسىندە ولاردىڭ ونىمدەرىنىڭ باعاسى نارىقتىق باعادان10-20% - عا تومەن بولادى.
جارمەڭكەلەر ءار سەنبى جانە جەكسەنبىدە 30 قازانعا دەيىن وتەدى. وتەتىن ورنى: تۇران 48 مەكەن-جايى بويىنشا ورنالاسقان "استانا-ارەنا" ستاديونىنىڭ جانىنداعى الاڭ. كەلەسى ءونىمدى 8-9 قازان كۇندەرى سولتۇستىك قازاقستان جانە اقتوبە وبلىستارىنىڭ كاسىپكەرلەرى ۇسىنادى.