پرەزيدەنت قاسىم-جومارت توقاەۆ «Digital Bridge 2022» حالىقارالىق تەحنولوگيالىق فورۋمىندا قازاقستاننىڭ تسيفرلىق ترانسفورماتسياسىنداعى 5 باسىمدىعىن اتادى, دەپ حابارلايدى Egemen.kz.
ەل پرەزيدەنتىنىڭ ايتۋىنشا, جاڭا يدەيالار مەن سەرپىندى جوبالار تەك ەركىن ءارى ۇيلەسىمدى قوعامدا عانا پايدا بولا الادى.
«سوندىقتان, ەلدى اۋقىمدى جاڭعىرتۋ شەڭبەرىندە ءبىز ادىلەتتى قازاقستاندى – بارشاعا تەڭ مۇمكىندىكتەر مەملەكەتىن قۇرۋدى كوزدەپ وتىرمىز. زاماناۋي ديدجيتال-نومادتار جاھاندىق كيبەر جانە فيزيكالىق كەڭىستىكتى بەلسەندى يگەرۋدە, جاڭا ونىمدەر مەن نارىقتار قۇرۋدا. قازىرگى زامانعى اقپاراتتىق وركەنيەت ءار ادامنىڭ ءوزىن-ءوزى جۇزەگە اسىرۋى ءۇشىن ۇلكەن مۇمكىندىكتەر اشادى», دەدى مەملەكەت باسشىسى.
فورۋم بارىسىندا قاسىم-جومارت توقاەۆ قازاقستاننىڭ تسيفرلىق ترانسفورماتسياسىنداعى 5 باسىمدىعىن اتادى. ولار:
ادامعا باعدارلانعان قىزمەتتى دامىتۋ. IT-سالا ءۇشىن قولايلى جاعداي جاساۋ. IT-ينفراقۇرىلىمدى كەڭ كولەمدە مودەرنيزاتسيالاۋ. تسيفرلىق ەكونوميكانى جانە يندۋستريا 4.0-ءدى دامىتۋ. ادام كاپيتالىن نىعايتۋ.