2023 جىلدان باستاپ ءورت سوندىرۋشىلەردىڭ جالاقىسىن 40%-عا ارتتىرۋ جوسپارلانىپ وتىر. قازىر تجم بۇل ماسەلەنى قارجى مينيسترلىگىمەن جانە ۇلتتىق ەكونوميكا مينيسترلىگىمەن پىسىقتاپ جاتىر, دەپ حابارلايدى, Egemen.kz.
تجم باسشىسى 2019 جىلى ءورت سوندىرۋشىلەردىڭ جالاقىسى 65%-عا, كەيىننەن تاعى 10%-عا كوتەرىلگەنىن ايتتى. بيىل جالاقى مولشەرى 3%-عا ءوستى.
«2019 جىلى ءورت سوندىرۋشىلەرگە تولەنگەن 65 مىڭ تەڭگەلىك جالاقى بۇگىنگى كۇنى ەڭبەك سىڭىرگەن جىلدارسىز جانە ۇستەمەاقىلارسىز قىزمەتتىڭ ءبىرىنشى جىلىندا شامامەن 109 مىڭ تەڭگەنى قۇرايدى. قازىر مەملەكەت باسشىسى مەن پرەمەر-ءمينيستردىڭ تاپسىرماسى بويىنشا ءبىز قارجى مينيسترلىگى مەن ۇلتتىق ەكونوميكا مينيسترلىگىمەن جالاقىنى كەم دەگەندە 40%-عا ارتتىرۋ ماسەلەسىن پىسىقتاپ جاتىرمىز. اتالعان ۇسىنىس قولداۋ تاپقان جاعدايدا, كەلەر جىلى ءورت سوندىرۋشىلەردىڭ جالاقىسى وسەدى», دەدى يۋري يلين بۇگىن ۇكىمەت وتىرىسىندا.