ءمادريدتىڭ تاريحي ورتالىعىندا ورنالاسقان كينوتەاترىندا «ۇلتتىق كينونى قولداۋ مەملەكەتتىك ورتالىعى» كەاق پەن قازاقستاننىڭ يسپانياداعى ەلشىلىگىنىڭ قولداۋىمەن قازاقستاندىق كينو كۇندەرىنىڭ رەسمي اشىلۋ ءراسىمى ءوتتى, دەپ حابارلايدى Egemen.ءkz سىم-گە سىلتەمە جاساپ.
ءىس-شاراعا يسپانيانىڭ سىرتقى ىستەر, ەۋروپالىق وداق جانە ىنتىماقتاستىق مينيسترلىگىنىڭ وكىلدەرى, ديپلوماتيالىق كورپۋس, قازاقتاندىقتار دياسپوراسى, شەتەلدىك كينوسۇيەر قاۋىم قاتىستى.
قازاقستان ەلشىسى كونستانتين جيگالوۆ بۇل شارا بيىل اتاپ وتىلەتىن ەكى ەل اراسىنداعى ديپلوماتيالىق قارىم-قاتىناستار ورناعانىنىڭ 30 جىلدىعىنا ورايلاستىرىلعانىن ايتتى.
ك. جيگالوۆ 2016 جىلدان بەرى «قازاقفيلم» كينوستۋدياسى مەن قازاقستان ەلشىلىگىنىڭ قولداۋىمەن بارسەلونادا وتەتىن جىل سايىنعى ازيا كينوفەستيۆالىندە قازاقستاندىق فيلمدەر تۇراقتى تۇردە كورسەتىلىپ كەلە جاتقانىنا توقتالدى.
اسەم ونەرلەر ورتالىعىندا رەجيسسەر ەرنار نۇرعاليەۆتىڭ «العا» جانە رەجيسسەر فارحاد ءشارىپوۆتىڭ «سحەما» فيلمدەرىنىڭ ەۋروپالىق پرەمەراسى ءوتىپ, وعان ف. ءشارىپوۆ جانە «العا» ءفيلمىنىڭ پروديۋسەرى ماكسيم اكباروۆ قاتىستى.
مادريدتەگى قازاق كينوسىنىڭ كۇندەرى كوپشىلىكتىڭ كوڭىلىنەن شىقتى. بۇگىننىڭ وزىندە يسپانيانىڭ ورتالىق گازەتتەرىنىڭ ءبىرى – «La Vanguardia» باسىلىمىندا وسى وقيعاعا ارنالعان ماتەريال جاريالاندى.