پاۆلوداردا بالالار وتىرعان اۆتوبۋس اۋدارىلدى

ايماقتىق سايتتىڭ جازۋىنشا وقيعا تۋرالى حابارلاما «103» پۋلتىنە ساعات 00:29-دا تۇسكەن.

وقيعا ورنىنا ءۇش جەدەل جاردەم كولىگى مەن اپاتتار مەديتسيناسى ورتالىعىنىڭ ءبىر بريگاداسى جىبەرىلدى. ءبىرىنشى بولىپ قالقامان اۋىلىنان جەتكەن جەدەل جاردەم زارداپ شەككەندەرگە كومەكتەسكەن.

- وكىنىشكە قاراي, 6 جانە 14 جاستاعى ەكى بالا دارىگەرلەر كەلگەنگە دەيىن قايتىس بولدى. زارداپ شەككەن تاعى 9 ادامعا ء(بىر جاستان 12 جاسقا دەيىنگى ءتورت بالا مەن 31 مەن 66 جاس ارالىعىنداعى بەس ەرەسەك ادام) وقيعا ورنىندا كومەك كورسەتىلدى, - دەپ جازىلعان حابارلامادا.

ءتۇرلى جاراقات العان بالالار وبلىستىق بالالار اۋرۋحاناسىنا, ال ەرەسەكتەر پاۆلودار قالالىق № 1 اۋرۋحاناعا جەتكىزىلگەن.