بۇل تۋرالى مەملەكەت باسشىسى قاسىم-جومارت توقاەۆ شانحاي ىنتىماقتاستىق ۇيىمىنا مۇشە مەملەكەتتەر سامميتىندە ايتتى, دەپ حابارلايدى Egemen.kz.
مەملەكەت باسشىسى شىۇ ەلدەرى اراسىندا لوگيستيكالىق بايلانىس ەداۋىر جاقسارعانىن اتاپ ءوتتى.
«شىۇ ەلدەرىنىڭ ءتيىمدى ەكونوميكالىق جانە كولىك دالىزدەرىن دامىتۋ جونىندەگى ىنتىماقتاستىق تۇجىرىمداماسىنىڭ قابىلدانۋى ءوزارا لوگيستيكالىق بايلانىستى جاقسارتۋداعى ماڭىزدى جەتىستىك بولدى. اڭگىمە «قىتاي – ەۋروپا» باعىتى جانە ترانسكاسپي حالىقارالىق كولىك باعىتى بويىنشا تەمىرجول تاسىمالى, سونداي-اق قازاقستان مەن قىتاي شەكاراسىندا ءۇشىنشى تەمىرجول وتكەلىنىڭ قۇرىلىسىن سالۋ جوسپارى تۋرالى بولىپ وتىر», دەدى قاسىم-جومارت توقاەۆ كەڭەيتىلگەن وتىرىستا.