فيسكالدى چەكتىڭ بەرىلمەگەنى جانە بانك كارتاسىن قابىلداۋدان باس تارتقانى تۋرالى شاعىمدانعان ازاماتتارعا 11,3 ملن تەڭگە سىياقى تولەندى. بۇل تۋرالى قر قم مەملەكەتتىك كىرىستەر كوميتەتىندە ايتتى, دەپ حابارلايدى Egemen.kz.
مەملەكەتتىك كىرىستەر كوميتەتى ءوزىن-ءوزى رەتتەۋ جانە قوعامدىق باقىلاۋ قۇرالدارىن جانداندىرۋ ءۇشىن 2020 جىلدىڭ مامىر ايىنان باستاپ «ازاماتتىق باقىلاۋ - چەكتى تالاپ ەت» اكتسياسىن وتكىزۋدە. اتالعان اكتسيا اياسىندا ازاماتتار باقىلاۋ-كاسسا ماشيناسىنىڭ فيسكالدى چەگىنىڭ بەرىلمەگەنى جانە بانك كارتاسىن قابىلداۋدان باس تارتقانى تۋرالى حابارلاي الادى.
«ازاماتتىق باقىلاۋ - چەكتى تالاپ ەت» اكتسياسىنا كەز-كەلگەن نيەت ءبىلدىرۋشى قاتىسا الادى. بارلىق جىبەرىلگەن وتىنىشتەردى مەملەكەتتىك كىرىستەر ورگاندارى قارايدى.
فيسكالدى چەكتى بەرمەۋ جانە بانك كارتاسىن قابىلداۋدان باس تارتۋ فاكتىلەرى تۋرالى App Store جانە Play market-تەن «Wipon cashback» تەگىن ءموبيلدى قوسىمشاسىن جۇكتەۋ ارقىلى حابارلاۋعا جانە بۇزۋشىلىق فاكتىسى راستالعان جاعدايدا تەلەفون تەڭگەرىمىنە سىياقى الۋعا بولادى.
اعىمداعى جىلى اكتسيا باستالعاننان بەرى ازاماتتاردىڭ حابارلاۋى بويىنشا 11,3 مىڭ بۇزۋشىلىق فاكتىسى راستالدى, ولارعا 11,3 ملن تەڭگە سوماسىندا سىياقى تولەندى.
مۇنداي بۇزۋشىلىق ءۇشىن العاشىندا ەسكەرتۋ بەرىلەدى, ال ەگەر زاڭ بۇزۋشىلىق ءبىر جىلدىڭ ىشىندە قايتالانسا, كاسىپكەرگە ايىپپۇل سالىنادى. ايىپپۇل مولشەرى كاسىپكەرلىك سۋبەكتىسىنىڭ ولشەمىنە (شاعىن, ورتا, ءىرى) بايلانىستى بولادى.
جىل باسىنان بەرى زاڭ بۇزۋشىلىقتى قايتالاعانى ءۇشىن 474 كاسىپكەرگە 14,6 ملن تەڭگەگە ايىپپۇل سالىندى.
مەملەكەتتىك كىرىستەر كوميتەتى قازاقستان رەسپۋبليكاسىنىڭ بارلىق ازاماتتارىن وزدەرىنىڭ ازاماتتىق ۇستانىمدارىن بىلدىرۋگە, زاڭدى بۇزۋعا نولدىك توزىمدىلىك تانىتۋعا جانە «ازاماتتىق باقىلاۋ – چەكتى تالاپ ەت» اكتسياسىنا بەلسەندى قاتىسۋعا شاقىرادى.