قازاقستاندا ۇيىمداستىرىلعان دىندەر سەزىنە بۇعان دەيىن دە قاتىسقان ەدىم. ءار كەلگەن سايىن بەيبىتشىلىكتى ناسيحاتتاۋ ماقساتىنداعى تىڭ يدەيالار ايتىلادى. تاتۋلىقتى, اسىرەسە ءدىن ارقىلى دارىپتەۋدىڭ ءوز ناتيجەسىن بەرەتىنىنە كوزىمىز جەتتى. بۇگىندە الەمدە ادامداردىڭ زور ىنتامەن دىنگە بەت بۇرۋى بايقالادى.
ءدىن ادامدارعا تىنىشتىق تابۋ ءۇشىن عانا ەمەس, ءار شەشىمىن اقىلعا سالىپ قابىلداۋىنا اسەر ەتۋى كەرەك. جان جاراسىمىن تابۋ ءۇشىن وزگە دە ۇلتتاردىڭ مادەنيەتىن ءتۇسىنىپ, سىيلاپ, باقىتتى ومىرگە قۇشتار بولۋى قاجەت. بۇگىندە جەكە ءبىر ۇلتتىڭ ماسەلەسىن شەشۋدەن گورى الەم حالقىنىڭ ورتاق تاعدىرىنا الاڭداۋعا باسىمدىق بەرىلۋدە. بۇل رەتتە, ساياساتكەرلەر, ءدىن كوشباسشىلارى مەملەكەتتەر اراسىنداعى داۋ-دامايدى شەشۋ جولىندا بىرىگىپ, بارىنشا ارەكەت ەتۋگە ءتيىس. وسىلايشا, ادامداردىڭ باقىتتى تاعدىرى قامتاماسىز ەتىلمەك.
بۇل سەزدىڭ ءتۇرلى ءدىن اراسىنداعى ديالوگتىڭ ورناۋىنا, سونىڭ ىشىندە حالىقارالىق قاۋىپسىزدىك پەن الەۋمەتتىك ۇندەستىك ماسەلەلەرى بويىنشا پىكىر الماسۋعا قوسقان ۇلەسى وراسان. دۇنيە ءجۇزى ءالى دە پاندەميانىڭ زاردابىن تارتىپ جاتقان ۋاقىتتا مۇنداي ءىس-شارانى ۇيىمداستىرۋ ەل ۇكىمەتى تاراپىنان قاجىرلى ەڭبەك پەن كوپ كۇش-جىگەردى تالاپ ەتەدى. ءوز باسىم وزگە ءدىن وكىلدەرىمەن بىرگە وي ءبولىسىپ, تاماشا اسەر الدىم. ءبىز بىرلەسە وتىرىپ, ادامزاتتىڭ بەيبىت جانە تۇراقتى دامۋىنا ىقپال ەتە الاتىنىمىزعا سەنەمىن.
لي گۋانفۋ,
قىتاي داوسيستەرى قاۋىمداستىعىنىڭ توراعاسى