ەل ىشىندە – مەديتسينالىق پويىز

«سالاماتتى قازاقستان» پويى­زى ءبىرىنشى قوستاناي وبلىسى اۋما­­عىنداعى سارىكول ستانساسى­نا توقتادى. دارىگەرلەر مۇندا پا­تسيەنت­تەردى 11-12 قىركۇيەك كۇن­دە­رى قابىلدادى. مەديتسينا قىز­مەتكەرلەرى 13-14 قىركۇيەكتە – جاركولدە بولسا, 15-17 قىركۇيەكتە – توعىزاقتا, 18-19 قىركۇيەكتە – زااياتتا, 20-21 قىركۇيەكتە – قازان­باسىدا, 22-23 قىركۇيەكتە – قوي­باعاردا, 24-25 قىركۇيەكتە – كو­ۆىلنايادا, 26-27 قىركۇيەكتە تاستى-تالدىدا جانە 24-25 قىر­كۇ­يەكتە فۋرمانوۆسكيدا بولىپ, جەر­­گىلىكتى تۇرعىنداردى قابىل­داي­دى.

مەديتسينالىق پويىزدىڭ دارى­گەر­­لەرى سولتۇستىك قازاقستان وبلى­سىن­داعى جۇمىسىن قورىتىن­دى­لا­دى. مۇندا العاشقى مەدي­تسي­­نالىق جانە كونسۋلتا­تسيا­لىق كومەكتى 3 108 ادام الدى, ولاردىڭ ىشىندە 402-ءسى – بالا.

دارىگەرلەردىڭ ايتۋىنشا, سول­تۇس­تىك­قازاقستاندىق تۇرعىنداردا كوبىنە ۇيقى بەزىنىڭ كيستاسى, پۋلپا جانە پەرياپيكالدى تىندەردىڭ اۋرۋلارى, بۇيرەك جانە نەسەپاعار تاستارى, سوزىلمالى وبسترۋكتيۆتى پيەلونەفريت, تۇزدى دياتەز اۋرۋلارى انىقتالدى. ستاتيستيكاعا ساي­كەس «سالاماتتى قازاقستان» پو­يى­زىنىڭ ەڭ سۇرانىسقا يە ماماندارى – حيرۋرگ, قۇلاق, مۇرىن, كوز جانە ءتىس دارىگەرى.

اكۋشەر-گينەكولوگ گۇلميرا بەردالي 2 ايدان استام ۋاقىت بويى مەديتسينالىق پويىزدا قابىلداۋ جۇرگىزىپ كەلەدى. وسى ۋاقىت ىشىندە ول ءۇش وبلىستىڭ شالعاي اۋىلدارىنىڭ تۇرعىندارىنا كومەك كورسەتتى.

«وكىنىشكە قاراي, اۋىلداردا تۇراتىن ايەلدەر كۇندەلىكتى تىر­لىكتەن قول ۇزە الماعاندىقتان گي­نە­كو­لوگكە سيرەك بارادى. ماعان 15-20 جىل بويى ماماننىڭ قابىل­دا­ۋىندا بولماعان پاتسيەنتتەر كەلدى. ال گينەكولوگيالىق تەكسەرۋ­دەن جىلىنا كەمىندە ءبىر رەت ءوتۋ كەرەك. ءبىز ولاردى تەكسەرەمىز, اۋرۋلارىن انىقتايمىز. كەيدە ەمدەۋ تاسىلدەرىن ءوزىمىز تاعايىندايمىز, ال قانداي دا ءبىر جاعدايلاردا وبلىس­تىق اۋرۋحانالارعا قوسىمشا كەڭەس الۋعا جىبەرەمىز», دەدى دارىگەر.

وسى مۇمكىندىكتى پايدالانا وتى­رىپ, گۇلميرا بەردالي قازاقس­تان­­دىق­­تارعا دەنساۋلىقتى ساقتاۋ ءۇشىن مە­ديتسينالىق تەكسەرۋدەن جىل سا­يىن ءوتۋ كەرەگىن ەسكە سالادى.

اكۋشەر-گينەكولوگتەن باسقا مە­دي­تسينالىق پويىزدا تەراپەۆت, پەدياتر, كارديولوگ, نەۆروپاتولوگ, وكۋليست, قۇلاق, مۇرىن جانە ءتىس دارىگەرى, حيرۋرگ, ۋرولوگ, ماممولوگ سياقتى ماماندار جۇمىس ىستەيدى.

ء«بىز بارلىق پاتسيەنتتى قابىل­داي­مىز – بالالاردان ەرەسەكتەرگە دەيىن. ءبىزدىڭ ماماندار بىرلەسە, جەدەل جۇمىس ىستەيدى. ەگەر ازاماتتار دەنساۋلىعىنا بايلانىستى ءبىزدىڭ ارنايى جابدىقتالعان كابينەتتەرگە كوتەرىلە الماسا, وندا پويىزدىڭ دارىگەرلەرى ولارعا وزدەرى ءتۇسىپ, سول جەردە سۇراقتارىن قويادى», دەيدى «سالاماتتى قازاقستان» مەديتسي­نا­لىق پويىزىنىڭ جەتەكشىسى امان قاسەنوۆ.

پويىز بارلىعى 67 ستانسانى ءجۇرىپ وتەدى. قازىرگى تاڭدا دارىگەرلەر 40-تان استام اۋىلدىڭ تۇرعىندارىن تەكسەردى.

پويىزدىڭ قۇرامىندا جەتى ما­مان­داندىرىلعان ۆاگون بار, ولار­دىڭ تورتەۋى – جابدىقتالعان مەدي­تسي­نالىق كابينەت. ول ۋلترا­دى­بىستىق كابينەت, زەرتحانا, ستوما­تو­­لوگيالىق جابدىقتار جانە تاعى باس­قالارىمەن قامتىلعان. ەكى ۇيىق­تاي­تىن ۆاگون, ءبىر مەيرامحانا جانە تاعى ءبىرى – پويىزدى ۇزدىكسىز ەنەر­گيا­­مەن قامتاماسىز ەتەتىن تەح­ني­كالىق ۆاگون بار.

مەديتسينالىق پويىزدىڭ مامان­دارىنا تەكسەرىلۋگە كەيبىر تۇر­عىن­دار وتباسى بولىپ كەلەدى. ماحا­سوۆ­­تار وتباسى دارىگەرلەردەن كەڭەس الۋ ءۇشىن ەكى كىشكەنتاي بالاسىمەن كەلدى.

ء«بىز بۇگىن حيرۋرگ, ۋدز مامانى, كارديولوگ جانە ءتىس دارىگەرىنە باردىق. دارىگەرلەر وتە مۇقيات قا­رادى. ءبىز تۇرعىندارعا اۋىلدان شىقپاي-اق, شارۋاشىلىعىن تاس­تاماي-اق تەكسەرۋگە مۇمكىندىك بەرىلگەنىنە قۋانىشتىمىز», دەپ ءبولىستى جاس انا جايسان.

«سالاماتتى قازاقستان» پويىزى وسىعان دەيىن سولتۇستىك قازاق­ستان وبلىسىنان بولەك, اقمولا وبلى­سى­نىڭ ستانسالارىنا دا قىزمەت كورسەتتى. الايدا بۇل ايماقتا جۇمىس ءالى اياقتالعان جوق, دارىگەرلەر بۇل وڭىرگە 4-9 قازان ارالىعىندا ورالىپ, تاعى 3 ستانسانىڭ تۇرعىندارىن تەكسەرەدى.

ەسكە سالا كەتەيىك, «سالاماتتى قازاقستان» «جاردەم» پويىزىمەن بىرگە مەديتسينالىق قىزمەتكە مۇق­تاج شالعاي ستانسالاردىڭ تۇر­عىن­­دارىنا العاشقى مەدي­تسي­نالىق-سانيتارلىق جانە كونسۋلتاتيۆتى-دياگنوستيكالىق كومەك كورسەتەدى. قازىرگى ۋاقىتتا «جاردەم» مەدي­تسي­نالىق پويىزى تۇركىستان وبلى­سى­نىڭ تۇرعىندارىن قابىلداپ جاتىر.

جالپى, «مەديتسينالىق پويىز­دار» جوباسى العاش رەت 2010 جىلى ىسكە قوسىلدى جانە 2019 جىلعا دەيىن جىل سايىن جۇزەگە اسى­­رىپ كەلىپ, پاندەميا كەزىندە ءۇزىلىس الدى. وسى كەزەڭ ارالىعىندا «دەن­ساۋلىق», «جاردەم» جانە «سا­لا­مات­تى قازاقستان» كونسۋل­تا­تيۆ­تى-دياگنوستيكالىق ءۇش پو­يىز قا­زاق­­ستاننىڭ 1 700-دەن استام شال­­عاي وڭى­رىنە بارىپ, 488 880 تۇر­عىن­دى قارادى.

مەديتسينالىق پويىزداردىڭ قوزعالىس كەستەسى تۋرالى ناقتى اقپا­رات­تى جوبانىڭ www.medpoezd.kz رەسمي سايتىنان نەمەسە 8 7172 60 45 94, 8 701 206 15 40 نومىرلەرى ارقىلى, سونداي-اق @medpoezd.kz Instagram پاراقشاسىنان بىلۋگە بولادى.

جوبا Samruk-Kazyna Trust الەۋ­مەتتىك جوبالاردى دامىتۋ قو­رى­­نىڭ قارجىلىق قولداۋىمەن جانە دەنساۋلىق ساقتاۋ مينيستر­لى­گىنىڭ قاتىسۋىمەن, «قازاقستان تەمىر جولى» ۇك اق جانىنداعى «الەۋ­مەتتىك جوبالار قورى» كورپو­را­تيۆتىك قورىمەن بىرلەسىپ جۇزەگە اسقانىن ايتا كەتكىمىز كەلەدى.