حالىقتى كەڭىنەن اقپاراتتاندىرۋ, سونداي-اق الاياقتىق ماقساتتاردا پايدالانىلاتىن جالعان اقپاراتتىڭ تارالۋىنا جول بەرمەۋ ءۇشىن «سامۇرىق-قازىنا» قورى جەكەشەلەندىرۋ باعدارلاماسى مەن IPO-نىڭ مامانداندىرىلعان IPO.SK.KZ ينتەرنەت-رەسۋرسىن ىسكە قوستى, دەپ حابارلايدى Egemen.kz.
سايت «سامۇرىق-قازىنا» قورىنىڭ باعدارلاماسى تۋرالى رەسمي جانە وزەكتى دەرەكتەردى ءۇش تىلدە ۇسىنادى, ناۆيگاتسيا باعدارلامانىڭ سوڭعى جاڭالىقتارىنان, ءجيى قويىلاتىن سۇراقتاردىڭ جاۋاپتارىنان جانە «سامۇرىق-قازىنا» برەندى مەن ونىڭ پورتفەلدىك كومپانيالارىن پايدالاناتىن ينتەرنەت-الاياقتىقتان قورعانۋ جولدارى تۋرالى اقپاراتتان تۇرادى.
پلاتفورمادا جەكەشەلەندىرىلەتىن اكتيۆتەر جانە IPO مەن جەكەشەلەندىرۋگە قاتىسۋ تۋرالى قادامدىق نۇسقاۋلىق, باعالى قاعازدارعا قارجىلاندىرۋ نەگىزدەرى مەن قور نارىعىنىڭ جۇمىس مەحانيزمدەرى تۋرالى ءبىلىم بەرۋ كونتەنتى, سونداي-اق ءىرى اكتيۆتەردىڭ IPO تاريحى جيناقتالعان.
ايتا كەتەيىك, بۇل رەسۋرس تەك ينستيتۋتسيونالدىق ينۆەستورلارعا عانا ەمەس, سونداي-اق بولشەك (جەكە) ينۆەستورلار ءۇشىن دە پايدالى بولادى.