بۇگىن ەكولوگيا, گەولوگيا جانە تابيعي رەسۋرستار ءمينيسترى سەرىكقالي برەكەشەۆ ەۋروپالىق قايتا قۇرۋ جانە دامۋ بانكىنىڭ (ەقدب) ۆيتسە-پرەزيدەنتى الان پيۋمەن كەزدەستى, دەپ حابارلايدى Egemen.kz.
كەزدەسۋ بارىسىندا تاراپتار مەتان شىعارىندىلارىن ازايتۋ ءۇشىن ءوزارا ىنتىماقتاستىق جانە قازاقستانعا قولداۋ كورسەتۋ تۋرالى مەموراندۋمعا قول قويدى.
ەقدب قازاقستاننىڭ ەنەرگەتيكا جانە گاز تاسىمالداۋ, اۋىل شارۋاشىلىعى, قاتتى-تۇرمىستىق قالدىقتار مەن سۋ بۇرۋ سالاسىنداعى نەگىزگى سەكتورلارعا باسا نازار اۋدارا وتىرىپ, وسى باعىتتاعى كۇش-جىگەردى قولداۋعا نيەتتى.
مەموراندۋمدى ىسكە اسىرۋ شەڭبەرىندە تاراپتار مەتاندى ازايتۋ سالاسىنداعى جوبالاردى بىرلەسىپ ىسكە اسىرۋعا, سونداي-اق ەڭ ۇزدىك حالىقارالىق پراكتيكا مەن ستاندارتتارعا سايكەس گازدىڭ وسى ءتۇرىن رەتتەۋدىڭ جاڭا قۇرالدارى بويىنشا مۇمكىندىكتەردى پايدالانۋدى قاراۋعا دايىن.
مەموراندۋم ەلدىڭ 2060 جىلعا قاراي كومىرتەگى بەيتاراپتىعىنا قول جەتكىزۋىنە ىقپال ەتەدى.