الەمدىك ءدىن كوشباسشىلارى جينالعان سەزگە قاتىسۋ – مەن ءۇشىن ۇلكەن مارتەبە, قازاقستاننىڭ عاجايىپ جەرىندە, بارلىق ەتنوستىڭ اراسىندا ءوزارا قۇرمەت ورناعان جەردە بولۋ – زور قۇرمەت.
پاكىستاندا مۇسىلماندارمەن قاتار ءتۇرلى ءدىن وكىلدەرى تۇرادى. بارلىعى ءوزارا تۇسىنىستىكپەن ءومىر سۇرۋدە. ولاردىڭ قۇقىقتارى مەن ءوز مىندەتتەرى بار. پاكىستاننىڭ كونستيتۋتسياسىندا مۇسىلمان ەمەس حالىقتار دا ەركىن ءومىر سۇرە الادى دەلىنگەن. ياعني ولار ءوز دىندەرىن, مادەنيەتتەرىن دامىتا الادى. ال پاكىستانداعى مۇسىلمان وكىلدەرى 1953 جىلعى 22-ءشى دەكلاراتسياعا سايكەس ارەكەت ەتەدى. وندا مۇسىلمان ەمەس ەلدەرمەن قارىم-قاتىناس وتە ماڭىزدى دەلىنگەن. ونى پاكىستان ۇلتى جوعارى قۇرمەت تۇتادى. وزگە ۇلت وكىلدەرى ءبىلىم بەرۋ, دەنساۋلىق ساقتاۋ, الەۋمەتتىك سالالاردا كوپتەپ قىزمەت ەتەدى, ولاردىڭ قۇقىقتارى – بارلىعىمەن تەڭ دارەجەدە.
پاكىستان جۋىردا از ۇلتتاردىڭ ۇلتتىق قاۋىمداستىعىن قۇردى. وعان حيندۋ حالقىنىڭ ليدەرى حيندو لوران باسشىلىق ەتەدى. وندا دىنارالىق كەلىسىم ماڭىزدى ءرول اتقارادى.
قازاقستانمەن دە ءبىز ءوزارا تىعىز قارىم-قاتىناس ورناتتىق. الەمدىك ءدىن وكىلدەرىنىڭ وسىندا جينالۋى كەزدەيسوقتىق ەمەس, ويتكەنى قازاقستان – تۇراقتىلىق پەن بەيبىتشىلىك ورناعان ەل. بۇگىنگى باسقوسۋ الەمدەگى دىندەردىڭ ءوزارا ىنتىماقتاستىعىن ودان ءارى جالعايدى دەپ سەنىم بىلدىرەمىن.
كيبلا اياز,
پاكىستان رەسپۋبليكاسى يسلام يدەولوگياسى كەڭەسىنىڭ توراعاسى