باتىس قازاقستان وبلىسىنداعى كاردون كەنتىنىڭ تۇرعىنى ءوز ۋچاسكەسىندە 71 سورا بۇتاسىن وسىرگەن, دەپ حابارلايدى Egemen.kz Polisia.kz-كە سىلتەمە جاساپ.
«كاراسورا-2022» جەدەل الدىن الۋ ءىس-شاراسىن وتكىزۋ بارىسىندا بقو پد ەسىرتكى قىلمىستارىنا قارسى ءىس-قيمىل باسقارماسىنىڭ قىزمەتكەرلەرى كاردون كەنتىندە 53 جاستاعى ازاماتتى ۇستادى.
ءتىنتۋ جۇمىستارى بارىسىندا كۇدىكتىنىڭ ءۇي اۋلاسىندا ەسىرتكىنىڭ 71 بۇتاسى تابىلدى.
«ۇستالعان ازامات قورانىڭ ىشىندە كەپتىرىلگەن ماريحۋانانى ساقتاعان. كۇدىكتى كەنتتەگى ءۇيدى قاراسورا ءوسىرۋ ءۇشىن ارنايى ساتىپ العانىن مويىندادى. انىقتالعانداي, ەسىرتكى تۇقىمدارى گوللانديادان تاپسىرىس ارقىلى جەتكەن», دەلىنگەن حابارلامادا.