پاكىستاندا قاتتى مۋسسون جاڭبىرىنىڭ سالدارىنان بولعان سۋ تاسقىنىنان 54 ادام قازا تاۋىپ, 6 ادام جاراقات الدى, دەپ حابارلايدى Egemen.kz سينحۋا اگەنتتىگىنە سىلتەمە جاساپ.
ەلدىڭ توتەنشە جاعدايلار دەپارتامەنتىنىڭ مالىمەتىنشە, سەيسەنبى كۇنگى ەسەپ بويىنشا قازا تاپقاندار اراسىندا 18 بالا مەن 10 ايەل بار.
«پاكىستاننىڭ وڭتۇستىگىندەگى ەڭ قاتتى زارداپ شەككەن سيند پروۆينتسياسىندا 44 ادام قازا تاپتى. ودان كەيىن ەلدىڭ وڭتۇستىك-باتىسىنداعى بەلۋدجيستان پروۆينتسياسى تۇر, وندا سەگىز ادام قازا تاۋىپ, التى ادام جارالاندى», دەلىنگەن حابارلامادا.
سونداي-اق 4453 ءۇي قيراپ, 24 869 باس مال قىرىلعان.
NDMA-نىڭ سوڭعى مالىمەتتەرىنە سايكەس, پاكىستاندا سۋ تاسقىنىنان قازا تاپقانداردىڭ جالپى سانى 1481-گە جەتكەن, 12 748 ادام زارداپ شەككەن. سونىمەن قاتار 1 755 281 ءۇي قيراپ, شامامەن 908 137 مال قىرىلعان. 179 281 ادام قۇتقارىلىپ, قازىر 541 134 ادام لاگەرلەردە تۇرىپ جاتىر.
سۋ تاسقىنىنان زارداپ شەككەن ايماقتاردا ىزدەۋ-قۇتقارۋ جۇمىستارى جالعاسۋدا. ولارعا NDMA, باسقا دا مەملەكەتتىك ورگاندار, ۆولونتەرلەر جانە ۇكىمەتتىك ەمەس ۇيىمدار كومەكتەسىپ جاتىر.