كانادانىڭ ونتاريو پروۆينتسياسىندا قارۋلى ادام ەكى ادامدى اتىپ ولتىرگەن, دەپ حابارلايدى Egemen.kz kun.uz سايتىنا سىلتەمە جاساپ.
اقش باسىلىمدارى قىلمىسكەردىڭ الدىمەن ميسسيسوگا قالاسىندا وق جاۋدىرىپ, ءبىر پوليتسەيدى ولتىرگەنىن جازعان. اتىس كەزىندە تاعى ءبىر ادام اۋىر جارالانعان.
كەيىنىرەك كۇدىكتى ميلتون قالاسىنا ورىن اۋىستىرىپ, وندا دا تۇرعىندارعا وق جاۋدىرعان. سالدارىنان تاعى ءبىر ادام قازا تاۋىپ, ەكەۋى جارالاندى. ميلتونداعى ەكى قۇرباننىڭ بىرەۋى اۋىر حالدە جاتىر, ال ەكىنشىسى جانساقتاۋ بولىمىنە اۋىستىرىلعان.
كىسىلەرگە شابۋىلداعان ادام وقيعا ورنىنان وزگەنىڭ كولىگىمەن قاشىپ كەتكەن. كەيىن پوليتسيا كۇدىكتىنىڭ تۇتقىنداۋ كەزىندە جارالانعانىن جانە كوپ ۇزاماي قايتىس بولعانىن حابارلادى.