قۇقىق قورعاۋ ورگاندارىنىڭ جەدەل-ىزدەستىرۋ شارالارى بارىسىندا ەلوردادا ۇيىمداسقان قىلمىستىق توپتىڭ ءۇش قاتىسۋشىسى ۇستالدى, دەپ حابارلايدى Egemen.kz Polisia.kz سايتىنا سىلتەمە جاساپ.
بەلگىلى بولعانداي, ولار قر قك 293-بابىنىڭ 2-بولىگى «بۇزاقىلىق» بويىنشا قىلمىستىق قۋدالاۋدان جاسىرىنىپ, پەتروپاۆل قالاسىندا ىزدەستىرۋدە بولعان.
«كۇدىكتىلەر WALTHER ماركالى تاپانشامەن, تراۆماتيكالىق وقتارى بار «وسا» تاپانشاسىمەن, سونداي-اق سۋىق قارۋمەن ۇستالعان», دەلىنگەن قالالىق پد ءباسپاسوز قىزمەتى تاراتقان حابارلامادا.
اتالعان فاكتى بويىنشا قر قك 287-بابى بويىنشا سوتقا دەيىنگى تەرگەۋ جۇرگىزىلۋدە, ونىڭ سانكتسياسى 2 جىلدان 10 جىلعا دەيىنگى مەرزىمگە باس بوستاندىعىنان ايىرۋدى كوزدەيدى.