زاڭسىز بۇلان اتقان كۇدىكتىنى پوليتسەيلەر جەلەزين اۋدانىنىڭ تاس جولىندا ۇستادى. ودان بۇلاننىڭ ەتى, باسى, ءمۇيىزى جانە پاتروندارى بار ەكى مىلتىق تاركىلەندى, دەپ حابارلايدى Egemen.kz.
«زاڭسىز تاسىمالداۋشى» جەدەل-پروفيلاكتيكالىق ءىس-شاراسى بارىسىندا جەلەزين پب ۋچاسكەلىك ينسپەكتورلارىمەن لەسنوە-كۋزمينو تاس جولىندا, رازدەلنوە اۋىلىنىڭ ماڭىندا پاترۋلدەۋ بارىسىندا تۇرعىننىڭ «ۆاز 2113» ماركالى اۆتوكولىگى انىقتالدى. كولىكتىڭ باگاج بولىگىن تەكسەرگەن كەزدە بۇلان مۇيىزدەرى, باسى مەن ەتى تاركىلەندى», دەدى پاۆلودار وبلىستىق پوليتسيا دەپارتامەنتىنىڭ ءباسپاسوز قىزمەتى.
سونداي-اق ءتارتىپ ساقشىلارى يج-13, يج-27 ە ماركالى قوس اۋىزدى اڭشى مىلتىقتارى مەن پاتروندارىن تاركىلەدى.
«سونىمەن قاتار, اۋىل تۇرعىنىنىڭ جانۋاردىڭ بۇل ءتۇرىن اۋلاۋعا رۇقساتى بولماعان. زاڭسىز اڭشىلىق فاكتىسى بويىنشا قر قىلمىستىق كودەكسىنىڭ 337-بابى بويىنشا سوتقا دەيىنگى تەرگەۋ امالدارى جۇرگىزىلۋدە», دەپ حابارلادى ۆەدومستۆودان.
قۇقىق قورعاۋ ورگاندارى ساراپتاما تاعايىندادى. كولىك مامانداندىرىلعان ۋاقىتشا ۇستاۋ يزولياتورىنا قويىلدى.