الەۋمەتتىك جەلىلەردە سوتتالۋشى باقىتگۇل حامەنوۆانىڭ سىبايلاس جەمقورلىققا قارسى قىزمەت تاراپىنان ونى نەگىزسىز قۋدالاۋ تۋرالى مالىمدەمەسى بار اقپارات تاراتىلۋدا, دەپ حابارلايدى Egemen.kz انتيكورعا سىلتەمە جاساپ.
«وتكەن جىلدىڭ جەلتوقسان ايىندا حامەنوۆا مادەنيەت باسقارماسىنىڭ باسشىسى ا.رىسقاليەۆپەن مەملەكەتتىك ساتىپ الۋ تۋرالى شارت جاساسقانى جانە مىندەتتەمەلەردى ورىنداۋ بارىسىندا جالپى قامقورلىعى ءۇشىن «بالقىتۋ» جشس ديرەكتورى ۋ. اداموۆتان الدىن الا ءسوز بايلاسۋ ارقىلى ادامدار توبىندا 4,5 ملن تەڭگە سوماسىندا پارا العانى ءۇشىن اشكەرەلەنگەنىن حابارلايمىز», دەلىنگەن حابارلامادا.
ونىڭ ارەكەتتەرى جينالعان دالەلدەمەلەردى, ونىڭ ىشىندە جاسىرىن تەرگەۋ ارەكەتتەرىنىڭ ناتيجەلەرىن, سونداي-اق كۇدىكتىلەر مەن كۋالاردىڭ تىكەلەي ايعاقتارىن ەسكەرە وتىرىپ سارالانادى.
تاعىلعان ايىپتىڭ نەگىزدىلىگى مەن زاڭدىلىعى پروكۋرورمەن راستالدى. حامەنوۆانىڭ جانە باسقا ادامداردىڭ كىناسى تۋرالى قورىتىندى شەشىمدى سوت قابىلدايدى.