جىل باسىنان بەرى «بۋراباي» مەملەكەتتىك ۇلتتىق تابيعي پاركىنەن 2 122 تەكشە مەتر, ياعني, 1 مىڭ توننادان استام قوقىس شىعارىلدى, دەپ حابارلايدى Egemen.kz.
اسىرەسە, تۋريستەر كوپ كەلەتىن جاز ماۋسىمىندا ۇلتتىق پاركتە سانيتارلىق تازالاۋ جۇمىسى قىزا تۇسكەن. ماسەلەن, كولدەردىڭ جاعالاۋىنان, ادامدار كوپ جينالاتىن جەرلەردەن ماۋسىم ايىندا 216 تونناعا جۋىق, شىلدەدە 512 توننادان ارتىق, تامىزدا 301 توننادان استام قوقىس جينالعان.
– سانيتارلىق تازارتۋ جۇمىسى كۇن سايىن جۇرگىزىلەدى. جۇمىس كۇنى قوقىس ءۇش رەت, دەمالىس پەن مەرەكە كۇندەرى ءتورت رەت شىعارىلادى, – دەيدى پارك ديرەكتورى سەرگەي بىكوۆ.
ۇلتتىق ساياباق اۋماعىنا قوقىس جينايتىن 60 كونتەينەر قويىلعان. ونىڭ 30-ى بۋراباي كولىنىڭ جاعالاۋىندا. ودان بولەك ۇساق قالدىقتاردى سالاتىن 100 جاشىك بار. كۋرورتتا بارلىعى 31 قوعامدىق سانيتاريالىق توراپ جۇمىس ىستەپ تۇر.